തിരുവനന്തപുരം: ജനങ്ങളെ വലച്ച കെ റെയില് കല്ലിടല് നിര്ത്തി. റവന്യൂ വകുപ്പാണ് ഇതുസംബന്ധിച്ച ഉത്തരവ് പുറത്തിറക്കിയത്. ഇനി മുതൽ സാമൂഹിക ആഘാത പഠനത്തിന് വേണ്ടി ജിപിഎസ് സംവിധാനം തയ്യാറാക്കും.
കല്ലിടലുമായി ബന്ധപ്പെട്ട് ഇതിനോടകം തന്നെ നിരവധി സ്ഥലങ്ങളിൽ സംഘർഷം നടന്നിരുന്നു. കൂടാതെ പ്രതിഷേധ പരിപാടികളും ജനങ്ങൾ നടത്തിയിരുന്നു. ഇതേ തുടർന്ന് പോലീസുമായി കയ്യാങ്കളി വരെയുണ്ടായി. ഇത്തരത്തിൽ നടന്ന സംഘര്ഷങ്ങളുണ്ടാകുന്ന സാഹചര്യം കണക്കിലെടുത്താണ് ഈ തീരുമാനം.
