പുൽപ്പള്ളി: വികസന കാര്യത്തിൽ സമഗ്ര പാക്കേജുമായാണ് വയനാട്ടിൽ മത്സരിക്കാൻ എത്തിയിരിക്കുന്നതെന്ന് മണ്ഡലത്തിലെ എൻഡിഎ സ്ഥാനാർത്ഥിയും ബിജെപി സംസ്ഥാന അദ്ധ്യക്ഷനുമായ കെ. സുരേന്ദ്രൻ. പുൽപ്പള്ളി മർച്ചൻ്റ്സ് അസോസിയേഷൻ ഹാളിൽ വ്യാപാരി വ്യവസായി ഏകോപന സമിതി നേതാക്കളുമായി സംവദിക്കവെയാണ് അദ്ദേഹം ഇക്കാര്യം വ്യക്തമാക്കിയത്.
“ഒരു വികസന രേഖ തയ്യാറാക്കിയാണ് എത്തിയിരിക്കുന്നത്. അതിൽ നഞ്ചൻകോട് റെയിൽവേ ലൈൻ അടക്കം ഉണ്ട്. വികസനം വരണമെങ്കിൽ മോദിയുടെ കൂടെ നിൽക്കണം. വന്യ ജീവി പ്രശ്നം പരിഹരിക്കണമെന്ന് ആവശ്യപ്പെട്ട് രാഹുൽ ഗാന്ധി ഇന്നുവരെ കേന്ദ്ര വനം മന്ത്രി ഭൂപേന്ദ്ര യാദവിനെ കാണുകയുണ്ടായിട്ടില്ല. ജനങ്ങളുടെ വിഷയങ്ങൾ ശ്രദ്ധയിൽപ്പെടുത്താൻ രാഹുൽ ഗാന്ധിക്ക് കഴിഞ്ഞില്ല. വയനാടിന് ഒരു സ്ഥിരം എം.പി വേണം.” – കെ .സുരേന്ദ്രൻ പറഞ്ഞു.
മരക്കടവിൽ പാലം, താലൂക്ക് ആശുപത്രി അടക്കമുള്ള അടിസ്ഥാന സൗകര്യങ്ങൾ വേണമെന്ന ആവശ്യം വ്യാപാരികൾ സ്ഥാനാർത്ഥിയോട് പറഞ്ഞു.
