ഇന്ന് ഭീകരാക്രമണം നടന്ന കാബൂളിലെ ഗുരുദ്വാര കാർട്ടെ പർവാനിൽ നിന്ന് വിശുദ്ധ ഗ്രന്ഥമായ ഗുരു ഗ്രന്ഥ സാഹിബ് സുരക്ഷിതമായി മാറ്റി. ഗ്രന്ഥം സംരക്ഷിക്കാൻ അഗ്നിക്കിരയായ ഗുരുദ്വാര പരിസരത്ത് അഫ്ഗാൻ സിഖുകാർ പ്രവേശിച്ചതായിട്ടാണ് ലഭിക്കുന്ന വിവരം. ഗുരുദ്വാരയുടെ മുഴുവൻ പരിസരവും അഗ്നിക്കിരയായതായി വൃത്തങ്ങൾ അറിയിച്ചു.
ഭീകരാക്രമണത്തെ തുടർന്ന് വിശുദ്ധ ഗ്രന്ഥം ഗുർനാം സിങ്ങിന്റെ വസതിയിലേക്ക് കൊണ്ടുപോവുകയും അതിന്റെ പവിത്രതയ്ക്കും തത്വങ്ങൾക്കും അനുസൃതമായി അത് പരിപാലിക്കുകയും ആരാധിക്കുകയും ചെയ്യുകയും ചെയ്യും.
അഫ്ഗാനിസ്ഥാനിലെ കാബൂളിലെ ഗുരുദ്വാര കാർട്ടെ പർവാനിൽ ഇതിനോടകം തന്നെ ഒന്നിലധികം സ്ഫോടനങ്ങൾ റിപ്പോർട്ട് ചെയ്യപ്പെട്ടു. ഐഎസ് ഐഎസ് ഖൊറാസാനാണ് ആക്രമണത്തിന് പിന്നിലെന്നാണ് സംശയം. നിലവിൽ വിദേശകാര്യ മന്ത്രാലയം സ്ഥിതിഗതികൾ നിരീക്ഷിച്ചുവരികയാണ്.
കാബൂൾ സമയം രാവിലെ 7:15നാണ് ആക്രമണം ആരംഭിച്ചത്. സംഭവത്തിൽ മൂന്ന് താലിബാൻ സൈനികർക്ക് പരിക്കേൽക്കുകയും ഗുരുദ്വാരയുടെ കാവൽക്കാരനായ സവീന്ദർ സിംഗ് എന്ന 60 വയസ്സുകാരനും കൊല്ലപ്പെടുകയും ചെയ്തു. രണ്ട് അക്രമികളെ താലിബാൻ സൈനികർ വളഞ്ഞു. കുറഞ്ഞത് 7-8 പേരെങ്കിലും ഇപ്പോഴും ഉള്ളിൽ കുടുങ്ങിക്കിടക്കുന്നുണ്ടെന്നാണ് നിഗമനം. എന്നാൽ കൃത്യമായ എണ്ണം സ്ഥിരീകരിച്ചിട്ടില്ല.
