തിരുവനന്തപുരം: കടയ്ക്കാവൂര് പോക്സോ കേസിൽ ആരോപണ വിധേയയായ കുട്ടിയുടെ അമ്മ മാധ്യമങ്ങൾക്കു മുൻപിൽ. തനിക്ക് പോലീസ് സ്റ്റേഷനില് വച്ച് മോശമായ പെരുമാറ്റം നേരിട്ടുവെന്ന് കുട്ടിയുടെ അമ്മ മാധ്യമങ്ങളോട് പറഞ്ഞു. സ്റ്റേഷനില് വച്ച് താന് മാനസികമായി പീഡിപ്പിക്കപ്പെടുകയും ചെയ്തു . മകനെ വിട്ടുകിട്ടാന് വേണ്ടിയാണ് കള്ളക്കേസ് ഉണ്ടാക്കിയത് എന്നും . കുട്ടിയെ കൊടുത്താല് കേസ് പിന്വലിക്കാമെന്ന് എസ്ഐ പറഞ്ഞിരുന്നുവെന്നും. മാത്രമല്ല പോലീസ് തെറ്റായ എഫ്ഐആറാണ് ഹാജരാക്കിയതെന്നും അമ്മ കൂട്ടിച്ചേർത്തു.
എന്നാൽ അന്വേഷണ സംഘത്തിന്റെ റിപ്പോർട്ടിൽ കുട്ടിയുടെ മൊഴിയല്ലാതെ മറ്റൊരു തെളിവുമില്ല. പീഡനം നടന്നതിന് സാക്ഷി മൊഴികളിലും മെഡിക്കല് റിപ്പോര്ട്ടിലും തെളിവില്ല. കുട്ടിയുടെ മൊഴിയുടെ അടിസ്ഥാനത്തില് മാത്രം കുറ്റകൃത്യം നടന്നെന്ന് പറയാന് കഴിയില്ലെന്നും റിപ്പോര്ട്ടില് പറയുന്നുണ്ട്.
അതേസമയം കേസില് സത്യം പുറത്തുകൊണ്ടുവരണമെന്നും കുട്ടിയുടെ അമ്മ പറഞ്ഞു. കേസ് പൊലീസും ഭര്ത്താവും ചേര്ന്ന് കെട്ടിച്ചമച്ചതാണ്. അതിനാൽ മകനെ പീഡിപ്പിച്ചെന്ന പരാതി കെട്ടിച്ചമച്ചതില് വിശദമായ അന്വേഷണം വേണം. കുഞ്ഞിനെ തെറ്റുകാരനാക്കുന്നു. പിന്നില് പ്രവര്ത്തിച്ചവരെ പുറത്തുകൊണ്ടുവന്നില്ലെന്നും അവര് ചൂണ്ടിക്കാട്ടി.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona