കാരയക്കാട് ലീയോ ആർട്സ് & സ്പോർട്സ് ക്ലബ്ബിന്റെ 41-ാം വാർഷികവും ഓണാഘോഷവും ഇന്ന് വൈകിട്ട് 5.30 ന് SHV ഹൈസ്ക്കൂളിൽ നടക്കും. ബഹു. ചെങ്ങന്നൂർ MLA ശ്രീ. സജി ചെറിയാൻ പരിപാടി ഉദ്ഘാടനം ചെയ്യും. ക്ലബ്ബ് പ്രസിഡന്റ് ശ്രീ. എസ്.എസ്.ചന്ദ്രസാബു അദ്ധ്യക്ഷത വഹിക്കുന്ന യോഗത്തിൽ സെക്രട്ടറി ശ്രീരാജ്.കെ സ്വാഗതം ആശംസിക്കുകയും ക്ലബ്ബ് മുൻ പ്രസിഡന്റും ജനറൽ കൺവീനറുമായ ഡി.ഹരികുമാർ റിപ്പോർട്ട് അവതരിപ്പിക്കുകയും ഫോക്ക്ലോർ അക്കാഡമി ചെയർമാൻ ശ്രീ. ഒ എസ്. ഉണ്ണിക്കൃഷ്ണൻ മുഖ്യപ്രഭാഷണം നടത്തുകയും ചെയ്യും.
കെ എസ് ഇ ബി ചീഫ് എൻജിനീയറായി നിയമിതനായ ക്ലബ്ബ് അംഗം പി.കെ.പ്രേംകുമാറിനേയും ആരോഗ്യ സർവ്വകലാശാലയിൽ നിന്നും എംഫിൽ സൈക്യാട്രിക് സോഷ്യൽ വർക്കിൽ ഒന്നാം റാങ്കു നേടിയ പി.വി. അശ്വതിയേയും ഈ അദ്ധ്യയന വർഷം എസ് എസ് എൽസി, പ്ലസ് ടു പരീക്ഷകളിൽ ഫുൾ A+ നേടിയ കുട്ടികളേയും എം ബിബിസ് വിജയിച്ച സജിൻ സന്തോഷിനേയും ജില്ലാ പഞ്ചായത്തംഗം ശ്രീമതി. ഹേമലതാ മോഹൻ ആദരിക്കും.
മുളക്കുഴ ഗ്രാമപഞ്ചായത്ത് പ്രസിഡന്റ് ശ്രീ.എൻ.പദ്മാകരന്റ , അംഗങ്ങളായ പ്രദീപ്.ഡി., പ്രമോദ് കാരക്കാട്, അനു .റ്റി, പുഷ്പ കുമാരി, ക്ലബ്ബ് രക്ഷാധികാരിയും മുൻ പഞ്ചായത്ത് പ്രസിഡന്റുമായ പി.ആർ. വിജയകുമാർ, SHVHS മാനേജർ കെ.കൊച്ചു കൃഷ്ണപിള്ള , വിദ്യാവിലാസിനി വായനശാല പ്രസിഡന്റ് പി.വിജയചന്ദ്രൻ എന്നിവർ ആശംസകളർപ്പിക്കും. ക്ലബ്ബ് ജോ.സെക്രട്ടറി സുകുമാരക്കുറുപ്പ് എം.എൻ കൃതജ്ഞത രേഖപ്പെടുത്തുകയും ചെയ്യും.
