കരിക്കിന്റെ വെബ്സീരീസുകളില് തുടക്കം മുതല് തന്നെ കയ്യടി നേടിയിരുന്ന താരമായിരുന്നു അനു കെ അനിയന്. അനുവിന്റെ ജോര്ജ് എന്ന കഥാപാത്രമാണ് താരത്തിന് വലിയ സ്വീകാര്യത ജനങ്ങള്ക്കിടയില് ഉണ്ടാക്കികൊടുത്തത്. ഇപ്പോഴിതാ കരിക്കിന്റെ ‘കലക്കാച്ചി’ എന്ന പുതിയ സീരീസിലും അനു തന്നെയാണ് പ്രേക്ഷക പ്രശംസ ഏറെ നേടുന്നത്.
ഇപ്പോള് സമൂഹമാധ്യമങ്ങളില് നിറഞ്ഞു നില്ക്കുന്നത് അനു കെ അനിയന്റെ പ്രകടനമാണ്. കരിക്ക് എന്ന പ്ലാറ്റ് ഫോമില് നിന്നും വരുന്ന വെബ്സീരീസുകള് എപ്പോഴും മികച്ച പ്രതികരണങ്ങള് നേടാറുണ്ട്. കഥയുടെ കഴമ്ബുകൊണ്ടും അവതരണ രീതികൊണ്ടും അതിലുപരി അഭിനേതാക്കളുടെ പ്രകടനം കൊണ്ടുകൂടിയാണ് കരിക്ക് വളരെ വേഗത്തില് പ്രേക്ഷക സ്വീകാര്യത സ്വന്തമാക്കിയത്.
വിജയന് എന്ന പോലീസ് കഥാപാത്രമായി അനു ജീവിക്കുകയാണെന്നാണ് ആസ്വാദക പക്ഷം. അമാനുഷികത ഒന്നുമില്ലാതെ നിസ്സഹായാവസ്ഥയും അഭിമാനവും ദേഷ്യവും എല്ലാമുള്ള ഒരു സാധാരണ പൊലീസുകാരനായി അനു എത്തുന്നു. ഒരു സിനിമ കാണുന്ന പ്രതീതിയാണ് സീരീസ് നല്കിയതെന്നാണ് പ്രേക്ഷകര് പറയുന്നത്. ഇതുവരെയുള്ള എല്ലാ സീരീസിലും മികച്ചു നിന്ന അനു ഇത്തവണ കൂടുതല് കയ്യടി നേടുന്നു എന്നതാണ് സത്യം.

