ബെംഗളൂരു: ഫെബ്രുവരി 27-ന് പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യാൻ പോകുന്ന കർണാടകയിലെ പുതിയ വിമാനത്താവളത്തിന് ബി.എസ് യെദിയൂരപ്പയുടെ പേരിടാൻ ശുപാർശ. ഇതുമായി ബന്ധപ്പെട്ട പ്രഖ്യാപനം നടത്തിയത് മുഖ്യമന്ത്രി ബസവരാജ് ബൊമ്മയാണ്. കർണാടക മന്ത്രിസഭായോഗമാണ് നേരത്തെ യെദിയൂരപ്പയുടെ പേര് വിമാനത്താവളത്തിനിടാൻ തീരുമാനിച്ചത്.
കർണാടക സർക്കാരിന്റെ ഈ നീക്കത്തെ യെദിയൂരപ്പ എതിർക്കുകയും കേന്ദ്രസർക്കാരിന് കത്തയക്കുകയും ചെയ്തിരുന്നു . എന്നാൽ വിമാനത്താവളത്തിന് യെദിയൂരപ്പയുടെ പേര് നൽകുമെന്ന ഉറച്ച നിലപാടിലാണ് സർക്കാർ. ഇതുമായി ബന്ധപ്പെട്ട് വ്യോമയാന മന്ത്രാലയത്തിന് കത്ത് നൽകുമെന്നും അനുമതി ലഭിക്കുമെന്നാണ് പ്രതീക്ഷിക്കുന്നതെന്നും മുഖ്യമന്ത്രി വ്യക്തമാക്കി.
