കോഴിക്കോട് :ദേശീയ പാതയിൽ മോഡേൺ ബസാറിൽ സ്വകാര്യ ബസിടിച്ച് സ്കൂട്ടറിലിടിച്ച് സ്കൂട്ടർ യാത്രക്കാരിയായ വിദ്യാർത്ഥിനി മരിച്ചു. രാത്രി 7.30നായിരുന്നു അപകടം നടന്നത്. മോഡേൺ ബസാർ പാറപ്പുറം റോഡിൽ അൽ ഖൈറിൽ റഷീദിന്റെ മകൾ 21 വയസുകാരിയായ റഫ റഷീദ് ആണു മരിച്ചത്. .
മെഡിക്കൽ കോളജിൽ നിന്നു മണ്ണൂർ വടക്കുമ്പാടേക്ക് സർവീസ് നടത്തുന്ന ദേവി കൃഷ്ണ എന്ന സ്വകാര്യ ബസാണ് ഇടിച്ചത്. ബസ് ദിശമാറി എത്തിയതാണ് അപകട കാരണമെന്ന് ദൃസാക്ഷികൾ പറഞ്ഞു. മുക്കം കെഎംസിടി കോളജ് ബിടെക് വിദ്യാർത്ഥിനിയാണ് മരിച്ച റഫ.
