തിരുവനന്തപുരം: കേരള പത്രപ്രവര്ത്തക യൂണിയന് (കെയുഡബ്ല്യുജെ) 58-ാം സംസ്ഥാന സമ്മേളനം ഇന്ന് രാവിലെ 9 ന് പതാക ഉയര്ത്തലോടെ ആരംഭിക്കും. കവടിയാര് ഉദയ് പാലസ് കണ്വെന്ഷന് സെന്ററില് രാവിലെ 10 ന് ഗോവ ഗവര്ണര് പി എസ് ശ്രീധരന് പിള്ള പ്രതിനിധി സമ്മേളനം ഉദ്ഘാടനം ചെയ്യും.
ശശി തരൂര് എം പി, വി കെ പ്രശാന്ത് എംഎല്എ, മുന് ഡെപ്യൂട്ടി സ്പീക്കര് പാലോട് രവി എന്നിവര് സംസാരിക്കും. വൈകിട്ട് 4 ന് പൊതു സമ്മേളനം മുഖ്യന്ത്രി പിണറായി വിജയന് ഉദ്ഘാടനം ചെയ്യും. സംഘാടക സമിതി ചെയര്മാന് മന്ത്രി വി ശിവന്കുട്ടി, അഡ്വ. ആന്റണി രാജു, മേയര് ആര്യാ രാജേന്ദ്രന്, എം വിന്സെന്റ് എംഎല്എ, മീഡിയ അക്കാദമി ചെയര്മാന് ആര് എസ് ബാബു എന്നിവര് സംസാരിക്കും.
ഞായറാഴ്ച രാവിലെ 9 മണിമുതല് പ്രതിനിധി സമ്മേളനത്തിന്റെ തുടര്ച്ചയും പുതിയ ഭാരവാഹികളുടെ സ്ഥാനാരോഹണവും നടക്കും. 12 ന് സമാപന സമ്മേളനം പ്രതിപക്ഷ നേതാവ് വി ഡി സതീശന് ഉദ്ഘാടനം ചെയ്യും. മന്ത്രിമാരായ പി പ്രസാദ്, ജി ആര് അനില്, കെഎന്ഇഎഫ് സംസ്ഥാന പ്രസിഡന്റ വി എസ് ജോണ്സണ് തുടങ്ങിയവര് സംസാരിക്കും.