ബെംഗളൂരു :കണ്ണടപ്പിക്കുന്ന രീതിയിൽ ഘടിപ്പിച്ചിരിക്കുന്ന എൽഇഡി ലൈറ്റുകളും ഗ്രാഫിക്സുകളും മറ്റു വാഹനങ്ങൾക്ക് അപകടത്തിനു കാരണമാകുമെന്നുവെന്നാരോപിച്ച് കൊമ്പന് ട്രാവല്സിന്റെ ടൂറിസ്റ്റ് ബസുകള് മടിവാളയ്ക്കു സമീപം നാട്ടുകാര് തടഞ്ഞു. ബെംഗളൂരുവിലെ സ്വകാര്യ കോളജിലെ വിദ്യാർത്ഥികളുമായി വിനോദ യാത്ര പോയ ബസാണ് നാട്ടുകാർ തടഞ്ഞത്.
തുടർന്ന് നാട്ടുകാരും ബസ് ജീവനക്കാരും വാക്കുതർക്കമുണ്ടായി. തുടർന്ന് ബസിന്റെ മുന്നിലെ ഫ്ലൂറസൻസ് ഗ്രാഫിക്സും മറ്റും മറച്ചശേഷമാണു ബസിനു യാത്ര തുടരാനായത്.
ബസിലൊരുക്കിയ ശബ്ദവെളിച്ച സൗകര്യങ്ങളുടെ അടിസ്ഥാനത്തിൽ കേരളത്തിൽ മികച്ച ഫാൻ ബേസുള്ള കൊമ്പൻ, ഏകീകൃത കളര് കോഡില്നിന്നു രക്ഷപ്പെടാന് കേരളത്തിൽനിന്ന് കര്ണാടകയിലേക്ക് ബസിന്റെ രജിസ്ട്രേഷന് മാറ്റിയിരുന്നു. മുപ്പതോളം ബസുകളുടെ രജിസ്ട്രേഷന് ബന്ധുവിന്റെ പേരില് മാറ്റിയെന്നാണ് പത്തനംതിട്ടയിലെ ഉടമ അറിയിച്ചത്.