മണിപ്പൂരിൽ രണ്ട് യുവതികളെ നഗ്നരാക്കി നടത്തുകയും ലൈംഗികാതിക്രമത്തിന് ഇരയാക്കുകയും ചെയ്ത സംഭവത്തിലെ മുഖ്യപ്രതിയുടെ വീട് അഗ്നിക്കിരയാക്കി നാട്ടുകാർ. സ്ത്രീകളടക്കമുള്ളവർ സംഘടിച്ചെത്തിയാണ് പ്രതിയുടെ വീടിന് തീവെച്ചത്. ഇന്നലെ അറസ്റ്റിലായ ഹുയ്‌റെം ഹിറാദാസിന്റെ വീടാണ് കത്തിച്ചത്.
മണിപ്പൂരിൽ കുക്കി വിഭാഗത്തിലുള്ള സ്ത്രീകളെ നഗ്നരാക്കി നിരത്തിലൂടെ നടത്തുന്നതും ലൈംഗികാതിക്രമം നടക്കുന്നതിൻറെയും വിഡിയോ പുറത്ത് വന്നതിന് പിന്നാലെയാണ് ഹുയ്‌റെം ഹീറോദാസ് അറസ്റ്റിലായത്. അതിക്രമവുമായി ബന്ധപ്പെട്ട് നാല് പേരെ നിലവിൽ പൊലീസ് അറസ്റ്റ് ചെയ്തിട്ടുണ്ട്.
