മലപ്പുറം: തളര്ന്നു കിടക്കുന്ന അമ്മയുടെ തൊട്ടടുത്തു വച്ച് പീഡനത്തിന് ഇരയായ മാനസിക വെല്ലുവിളി നേരിടുന്ന പെണ്കുട്ടിക്ക് നേരെ വധഭീഷണിയും. മലപ്പുറം (Malappuram) അരീക്കോട് കാവനൂരിലാണ് സംഭവം. മാനസിക വെല്ലുവിളി നേരിടുന്ന പെൺകുട്ടിയെ മുട്ടാളൻ ഷിഹാബ് എന്നറിയപ്പെടുന്ന ടി.വി. ഷിഹാബ് ആണ് പീഡിപ്പിച്ചത്. തുടർന്ന് പെൺകുട്ടിക്ക് നേരെ വധഭീഷണിയും മുഴക്കി.
പ്രാഥമിക കൃത്യങ്ങള്ക്കു പോലും കട്ടിലില് നിന്ന് ഇറങ്ങാന് കഴിയാത്ത അമ്മയെ പരിചരിക്കുന്ന മാനസിക, ശാരീരിക വെല്ലുവിളികള് നേരിടുന്ന മകളെ കഴിഞ്ഞ ദിവസം അര്ധരാത്രി എത്തിയാണ് പ്രതി ക്രൂരമായ പീഡനത്തിന് ഇരയാക്കിയത്. പുറത്തു പറഞ്ഞാല് യുവതിയെ കൊന്നു കളയുമെന്ന് പ്രതി ഭീഷണിപ്പെടുത്തി. അയല്ക്കാര് അറിയിച്ചതിനെ തുടര്ന്നാണ് പൊലീസെത്തി പ്രതിയെ അറസ്റ്റ് ചെയ്തത്. ഇതേ യുവതിയെ മൂന്നു മാസം മുന്പും പീഡനത്തിന് ഇരയാക്കിയെങ്കിലും ഭയപ്പാടു മൂലം പുറത്തു പറഞ്ഞിരുന്നില്ല.
