മൂവാറ്റുപുഴ: മൂവാറ്റുപുഴയിൽ പ്രാർത്ഥനക്കെന്ന വ്യാജേന പള്ളിയിൽ എത്തി ബാറ്ററി മോഷ്ടിച്ച ആൾ അറസ്റ്റിൽ. സംഭവത്തിൽ ഈരാറ്റുപേട്ട അരുവിത്തുറ കരോട്ട്പറമ്പിൽ മാഹിനാണ് പിടിയിലായത്. തുടർന്ന് മൂവാറ്റുപുഴ പൊലീസ് പ്രതിയെ അറസ്റ്റ് ചെയ്തു.
അതേസമയം കഴിഞ്ഞ 29 നാണ് സൗത്ത് പായിപ്ര ബദറുൽ ഹുദ ജുമാമസ്ജിദിൽ നിന്ന് ഇയാൾ മോഷണം നടത്തിയത്. ളുഹ്ർ നമസ്കാര സമയത്ത് പ്രാർത്ഥനക്ക് എന്ന വ്യാജേന ഓട്ടോറിക്ഷയിൽ എത്തിയ ഇയാൾ പള്ളിയിൽ നിന്ന് ബാറ്ററി മോഷ്ടിക്കുകയായിരുന്നു.
മാത്രമല്ല പാലാ, ഈരാറ്റുപേട്ട, മേലുകാവ് എന്നിവിടങ്ങളിൽ ഇയാള്ക്കെതിരെ കേസുകളുണ്ട്. ഇൻസ്പെക്ടർ സി.ജെ. മാർട്ടിൻ, എസ്.ഐ എൽദോസ് കുര്യാക്കോസ് എന്നിവരുടെ നേതൃത്വത്തിലെ സംഘമാണ് പ്രതിയെ പിടികൂടിയത്.