ദില്ലി: സിബിഎസ്ഇ 10, 12 ക്ലാസുകളിലേക്കുള്ള ടേം രണ്ട് പരീക്ഷകള് ഏപ്രില് 26 മുതല് ഓഫ്ലൈനായി നടത്താന് തീരുമാനം. രാജ്യത്തെ കൊവിഡ് സാഹചര്യം പരിശോധിച്ച ശേഷമാണ് തിയതി തീരുമാനിച്ചത്. പരീക്ഷ കലണ്ടർ വൈകാതെ പ്രസിദ്ധീകരിക്കും. സിബിഎസ്ഇ (CBSE) വെബ്സൈറ്റില് കൊടുത്തിരിക്കുന്ന സാമ്പിള് ചോദ്യപേപ്പറുകളുടെ മാതൃകയിലാണ് പരീക്ഷാ ചോദ്യപേപ്പര് തയ്യാറാക്കുക.
കോവിഡ് വ്യാപനത്തിന്റെ പശ്ചാത്തലത്തിൽ രണ്ടാം ടേം പരീക്ഷ നടത്താൻ സാധിച്ചിരുന്നില്ല. ഇതിന് പുറമേ പരീക്ഷ വൈകുന്ന സാഹചര്യവും ഉണ്ടായിരുന്നു. ഇതിനിടെയാണ് പരീക്ഷ ഏപ്രിലിൽ നടത്താൻ തീരുമാനിച്ചത്. അതേസമയം എന്നാല് 2021 അവസാനം നടത്തിയ ആദ്യ ടേം പരീക്ഷയുടെ റിസല്ട്ട് പ്രഖ്യാപിക്കുന്നത് സംബന്ധിച്ച് സിബിഎസ്ഇ അറിയിപ്പുകളൊന്നും നല്കിയിട്ടില്ല.