തിരുവനന്തപുരം: യുവാവിന്റെ ആത്മഹത്യയില് പ്രേരണാക്കുറ്റം ചുമത്തി ഭാര്യയുടെ കാമുകനെ പോലീസ് അറസ്റ്റു ചെയ്തു. നെടുമങ്ങാട് നഗരിക്കുന്ന് പഴവടി കുന്നുംപുറത്ത് വീട്ടിൽ കെ.വിഷ്ണുവിനെ (30) ആണ് സംഭവം നടന്ന് 2 വർഷത്തിനു ശേഷം വിളപ്പിൽ പൊലീസ് അറസ്റ്റ് ചെയ്തത്. 2019 സെപ്റ്റംബര് എട്ടിനാണ് പുറ്റുമ്മേല്ക്കോണം ചാക്കിയോടുള്ള വീട്ടില് ഡ്രൈവറായ ശിവപ്രസാദിനെ തൂങ്ങിമരിച്ചനിലയില് കണ്ടത്.
തച്ചോട്ടുകാവിലെ ഗ്യാസ് ഏജന്സിയില് ജീവനക്കാരിയായിരുന്ന ശിവപ്രസാദിന്റെ ഭാര്യ അഖില, അവിടത്തെ ജീവനക്കാരന് വിഷ്ണുവുമായി അടുപ്പത്തിലായി. വിഷ്ണു ബന്ധുവാണെന്ന് അഖില, ഭര്ത്താവിനെ ധരിപ്പിച്ചിരുന്നു. അതിനാല് അവരുടെ വീട്ടിലും ഇയാള്ക്ക് അമിതസ്വാതന്ത്ര്യമുണ്ടായിരുന്നതായി പോലീസ് പറഞ്ഞു. ഇവര് തമ്മിലുള്ള അശ്ലീല വീഡിയോ കാണാനിടയായതാണ് ശിവപ്രസാദിനെ ആത്മഹത്യക്കു പ്രേരിപ്പിച്ചതെന്ന് പോലീസ് അന്വേഷണത്തില് കണ്ടെത്തി നൽകിയത്.
മരണത്തിന് ഉത്തരവാദി ഭാര്യയും അവരുടെ കാമുകനും രണ്ട് സുഹൃത്തുക്കളും ആണെന്ന് അദ്ദേഹം കിടപ്പുമുറിയിലെ ഭിത്തിയിൽ എഴുതിയിരുന്നു. 2019ൽ നടന്ന സംഭവത്തിൽ അന്വേഷണം ആവശ്യപ്പെട്ട് മരിച്ചയാളുടെ സഹോദരനാണ് പരാതി നൽകിയത്.