തിരുവനന്തപുരം: വൈദ്യതി ചാർജ് വർധനയ്ക്കും, ബസ് ചാർജ് വർധനയ്ക്കും പുറമെ പാല്‍ വിലയും കൂടിയേക്കും. പാൽ വില വര്‍ധിപ്പിക്കണമെന്ന ആവശ്യവുമായി മില്‍മ. ലിറ്ററിന് അഞ്ച് രൂപ കൂട്ടണമെന്നാണ് ആവശ്യപ്പെടുന്നത്. മില്‍മയുടെ എറണാകുളം മേഖല യൂണിയന്‍ ചെയര്‍മാന്‍ ജോണ്‍ തെരുവത്താണ് ആവശ്യമുന്നയിച്ചു മന്ത്രി ചിഞ്ചുറാണിയ്ക്ക് നിവേദനം നൽകിയത്.
45 രൂപ മുതല്‍ 50 രൂപ വരെ ഒരു ലിറ്റര്‍ പാലിന് ചെലവ് വരുന്നുണ്ടെന്ന് നിവേദനത്തില്‍ ചൂണ്ടിക്കാട്ടി. കാലിത്തീറ്റയുടെ വിലയും ക്രമാതീതമായി കുതിച്ചുയരുന്നതിനാൽ, കാലിത്തീറ്റയ്ക്ക് സബ്സിഡി അനുവദിക്കണമെന്നും നിവേദനത്തില്‍ ആവശ്യപ്പെട്ടിട്ടുണ്ട്.
