ദില്ലി: പ്രധാനമന്ത്രി നരേന്ദ്ര മോദി ഇന്ന് രാത്രി എട്ടിന് രാജ്യത്തെ അഭിസംബോധന ചെയ്യും. പ്രാധാനമന്ത്രിയുടെ ഓഫീസാണ് ഇക്കാര്യം വ്യക്തമാക്കിയത്. പ്രധാനമന്ത്രിയുടെ ട്വിറ്ററും ഇക്കാര്യം സ്ഥിരീകരിച്ചിട്ടുണ്ട്. ആര്ട്ടിക്കിള്-370 റദ്ദാക്കിയ നടപടിക്ക് പിന്നാലെ നരേന്ദ്ര മോദി രാജ്യത്തെ അഭിസംബോധന ചെയ്യുമെന്ന് നേരത്തെ റിപ്പോര്ട്ടുകള് പുറത്തുവന്നിരുന്നു. പ്രധാനമന്ത്രിയുടെ പ്രസംഗം തത്വമയി ടി വിയുടെ ഫേസ്ബുക്ക് പേജില് തത്സമയം കാണാവുന്നതാണ്.
കഴിഞ്ഞ ദിവസം പ്രധാനമന്ത്രി രാജ്യത്തെ അഭിസംബോധന ചെയ്യുമെന്നായിരുന്നു നേരത്തേയുള്ള റിപ്പോർട്ട്. എന്നാൽ സുഷമാ സ്വരാജിന്റെ മരണത്തെത്തുടർന്ന് ഇതു മാറ്റിവെക്കുകയായിരുന്നു. ഉപഗ്രഹവേധ മിസൈൽ സാങ്കേതികവിദ്യ ഇന്ത്യ സ്വായത്തമാക്കിയെന്ന പ്രഖ്യാപനവുമായി മാർച്ച് 27-നാണ് പ്രധാനമന്ത്രി അവസാനമായി രാഷ്ട്രത്തെ അഭിസംബോധന ചെയ്തത്.
