ദില്ലി : കേന്ദ്രസര്ക്കാര് ജീവനക്കാര്ക്കും പെന്ഷന്കാര്ക്കും മോദി സർക്കാരിന്റെ ദീപാവലി സമ്മാനം. കേന്ദ്രസര്ക്കാര് ജീവനക്കാരുടെയും പെന്ഷന്കാരുടെയും ക്ഷാമബത്ത (ഡി എ) 3 % വര്ധിപ്പിക്കാന് കേന്ദ്രം തീരുമാനിച്ചു. ഇന്ന് രാവിലെ ചേര്ന്ന മന്ത്രിസഭാ യോഗത്തിലാണ് ഇത് സംബന്ധിച്ച തീരുമാനമുണ്ടായത്.
തീരുമാനം നടപ്പിലാകുന്നതോടെ ജീവനക്കാരുടെ ക്ഷാമബത്ത അടിസ്ഥാന ശമ്പളത്തിന്റെ 50 ശതമാനത്തിൽ നിന്ന് 53 ശതമാനമായി വർധിക്കും. ഇത് സംബന്ധിച്ച ഔദ്യോഗിക പ്രഖ്യാപനം ഉടന് ഉണ്ടാകും. ഒരു കോടിയിലധികം വരുന്ന കേന്ദ്ര സര്ക്കാര് ജീവനക്കാര്ക്കും പെന്ഷന്കാര്ക്കും തീരുമാനത്തിന്റെ പ്രയോജനം ലഭിക്കും. പണപ്പെരുപ്പം മൂലം ജീവിതച്ചെലവിലുണ്ടാകുന്ന വര്ധനവ് നേരിടാന് ജീവനക്കാരെ സഹായിക്കുന്നതാണ് ക്ഷാമബത്ത. ഇതിനു മുമ്പ് ക്ഷാമബത്ത വര്ധിപ്പിച്ചത് മാര്ച്ചിലാണ്. അന്ന് നാലു ശതമാനം വര്ധനവാണ് നടപ്പിലാക്കിയത്

