കൊച്ചി: പുരാവസ്തു തട്ടിപ്പില് പിടിയിലായ മോണ്സന് മാവുങ്കല് (Monson Mavunkal) കോസ്മറ്റോളജിസ്റ്റല്ലെന്ന് ക്രൈംബ്രാഞ്ചിന് മൊഴി നല്കി. ആകെ പഠിച്ചത് ബ്യൂട്ടീഷന് കോഴ്സാണ്. ഇതുവെച്ചിട്ടാണ് ചികിത്സ നടത്തിയിരുന്നതെന്നും മോണ്സന് വ്യക്തമാക്കി. മാര്ക്കറ്റില് ലഭ്യമാകുന്ന വിവിധ മരുന്നുകള് കൂട്ടിച്ചേര്ത്ത് പുതിയ മരുന്നെന്ന രീതിയില് ചികിത്സക്ക് വരുന്നവര്ക്ക് നല്കിയിട്ടുണ്ടെന്നും മോണ്സന് വ്യക്തമാക്കി.
അതേസമയം പുരാവസ്തു തട്ടിപ്പ് കേസില് മോന്സന് മാവുങ്കല് റിമാന്ഡില്. ഈ മാസം ഒന്പതാം തീയതി വരെയാണ് മോന്സനെ റിമാന്ഡ് ചെയ്തത്. എറണാകുളം എസിജെഎം കോടതിയുടേതാണ് നടപടി. മോന്സന് മാവുങ്കലിന്റെ വീട്ടില് നിന്ന് ക്രൈംബ്രാഞ്ച് സംഘം ശില്പങ്ങള് പിടിച്ചെടുത്തിട്ടുണ്ട്. ശില്പി സുരേഷിന്റെ പരാതിയുടെ അടിസ്ഥാനത്തില് ക്രൈംബ്രാഞ്ചിന്റെ തിരുവനന്തപുരം യൂണിറ്റാണ് ഇന്നലെ രാത്രി റെയ്ഡ് നടത്തിയത്. സുരേഷ് നിര്മിച്ച് നല്കിയ വിശ്വരൂപം ശില്പം ഉള്പ്പെടെ പിടിച്ചെടുത്തിരുന്നു.
