തിരുവനന്തപുരം: മുന്നാക്ക വിഭാഗങ്ങളിലെ സാമ്പത്തികമായ പിന്നാക്കാവസ്ഥ കണ്ടെത്താനുള്ള സംസ്ഥാന സര്ക്കാരിന്റെ സര്വേ രീതിയെ രൂക്ഷമായി വിമര്ശിച്ച് എന്എസ്എസ്. മുഴുവന് മുന്നാക്ക വിഭാഗത്തില്പ്പെട്ടവരുടെയും വീടുകള് സന്ദര്ശിക്കാതെ നടത്തുന്ന ഇത്തരം സര്വേയിലൂടെ സാമ്പത്തികമായി പിന്നാക്കം നില്ക്കുന്നവരുടെ വ്യക്തമായ വിവരം കിട്ടില്ലെന്നാണ് എന്എസ്എസിന്റെ വിമര്ശം.
സര്വേ ആധികാരിക രേഖയായി മാറുന്നതാണ്. യോഗ്യരായവരെക്കൊണ്ട് സര്വേ ആധികാരികമായി നടത്തണം. സര്വേ പ്രഹസനം ആക്കരുതെന്നും ജി സുകുമാരന് നായര് പറഞ്ഞു. അതേസമയം കുടുംബശ്രീകൾ വഴി സര്വേ നടത്താനാണ് തീരുമാനം. സംസ്ഥാന കമ്മിഷന്റെ സാമൂഹിക സാമ്പത്തിക സര്വേ കുടുംബശ്രീ മുഖേന നടത്തുന്നതിന് മന്ത്രിസഭാ അനുമതി നൽകിയിരുന്നു.
