ആലുവ: വേണാട് എക്സ്പ്രസ്സിന് മുന്നിൽ ചാടി അമ്മയും കുഞ്ഞും ആത്മഹത്യ ചെയ്തു. ഇന്ന് 11 മണിയോടെയാണ് സംഭവം നടന്നത്. നെടുമ്പാശ്ശേരി വിമാനത്താവളത്തിന് സമീപമായിരുന്നു അപകടം. റെയിൽവേ ട്രാക്കിലെത്തിയ യുവതിയും കുഞ്ഞും ചെരുപ്പ് ഊരിവച്ചതിന് ശേഷം ട്രെയിൻ അടുത്തെത്തിയപ്പോൾ മുന്നിലേക്ക് ചാടുകയായിരുന്നു.
സംഭവ സ്ഥലത്ത് ആഭരണവും മറ്റും ചിതറികിടക്കുകയാണ്. നിലവിൽ വേണാട് എക്സ്പ്രസ്സ് നിർത്തിയിട്ടിരിക്കുകയാണ്. തിരുവനന്തപുരം – ഷൊർണ്ണൂർ വരെ നിത്യേന ഓടുന്ന ഒരു എക്സ്പ്രസ്സ് തീവണ്ടിയാണ് വേണാട് എക്സ്പ്രസ്സ്.
തിരുവനന്തപുരത്ത് നിന്ന് രാവിലെ 5.00 മണിക്ക് പുറപ്പെടുന്ന വണ്ടി അതേ ദിവസം ഉച്ചക്ക് 12.40ന് ഷൊർണ്ണൂരിൽ എത്തിച്ചേരാറാണ് പതിവ്. പോലീസ് സ്ഥലത്തെത്തി അന്വേഷണം ആരംഭിച്ചു.
