തിരുവനന്തപുരം: തിരുവനന്തപുരം കാഞ്ഞിരംകുളം മൗണ്ട് കാര്മല് സ്കൂളില് സാമൂഹ്യവിരുദ്ധര് അഴിഞ്ഞാടി . സ്കൂള് ബസ്സിന് തീയിട്ടു. ഏഴ് ബസ്സുകള് അടിച്ചുതകര്ത്തു. സംഭവവുമായി ബന്ധപ്പെട്ട് പൊലീസ് അന്വേഷണം തുടങ്ങി.
കഴിഞ്ഞദിവസം രാത്രിയിലാണ് സംഭവം. ഇന്ന് പുലര്ച്ചയൊണ് സ്കൂള് മാനേജ്മെന്റ് അധികൃതര് സംഭവം പൊലീസിനെ വിളിച്ച് അറിയിച്ചത്. തുടര്ന്ന് പൊലീസ് സംഘം സ്കൂളിലെത്തി. സംഭവത്തില് ദുരൂഹതയുണ്ടെന്നും വിശദമായ അന്വേഷണം ആവശ്യമുണ്ടെന്നും പൊലീസ് പറഞ്ഞു. സ്കൂള് വളപ്പില് നിര്ത്തിയിട്ട വാഹനങ്ങളാണ് കത്തിച്ചതും അടിച്ച് തകര്ത്തതും. അതുകൊണ്ട് തന്നെ സംഭവവുമായി ബന്ധപ്പെട്ട് വിശദമായ അന്വേഷണം നടത്തണമെന്നാണ് പൊലീസ് ഭാഷ്യം.
സ്കൂളിലെ സിസി ടിവി ദൃശ്യങ്ങള് പരിശോധിക്കണമെന്നും സംഭവവുമായി ബന്ധപ്പെട്ട് മാനേജ്മെന്റിന് പങ്കുണ്ടോയെന്നും അന്വേഷിക്കുമെന്നും പൊലീസ് പറഞ്ഞു. നേരത്തെ സ്കൂള് മാനേജ്മെന്റിനെതിരെ നിരവധി പരാതികള് ഉയര്ന്നിരുന്നു. ഈ പരാതികളുടെ പശ്ചാത്തലത്തിലാണോ ആക്രമണം നടന്നത് എന്നു പൊലീസ് പരിശോധിച്ചു വരികയാണ്.
