കൊച്ചി: ചെരിപ്പുകുത്തിയെ കൊലപ്പെടുത്താന് ശ്രമിച്ച കേസില് അമ്മയും മകനും അറസ്റ്റില്. കേസുമായി ബന്ധപ്പെട്ട് ആലുവ കോമ്പാറ സ്വദേശികളായ ഓട്ടോ റാണി എന്ന സോളി ബാബു, മകന് സാവിയോ ബാബു എന്നിവരെ എറണാകുളം സെന്ട്രല് പോലീസ് അറസ്റ്റ് ചെയ്തു.
ജനുവരി 24നായിരുന്നു സംഭവം. ചെരിപ്പുകുത്ത് ജോലി ചെയ്യുന്ന ജോയിയെ ബൈക്കിലെത്തിയ യുവാവ് ക്രിക്കറ്റ് ബാറ്റുകൊണ്ട് തലക്ക് അടിക്കുകയും വാക്കത്തി കൊണ്ട് വെട്ടി പരിക്കേല്പിക്കുകയും ചെയ്തിരുന്നു.
സെന്ട്രല് ഇന്സ്പെക്ടര് എസ്. വിജയശങ്കറിന്റെ നേതൃത്വത്തിലുള്ള പൊലീസ് സംഘമാണ് പ്രതികളെ അറസ്റ്റ് ചെയ്തത്. പ്രതികളെ കോടതിയില് ഹാജരാക്കുമെന്ന് സെന്ട്രല് പോലീസ് ഇന്സ്പെക്ടര് എസ്. വിജയശങ്കര് പറഞ്ഞു.