തൊളിക്കോട് പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ പ്രതിയായ ഇമാം ഷെഫീഖ് അല്‍ ഖാസിമി പിടിയില്‍ . മധുരയില്‍ നിന്നുമാണ് ഇയാള്‍ പിടിയിലായതെന്നാണ് വിവരം . ഷാഡോ പോലീസിന്റെ സഹായത്തോടെയാണ് പിടികൂടിയത് . ഇയാള്‍ക്കൊപ്പം സഹായിയായ ഫാസിലിനെയും പിടികൂടിയിട്ടുണ്ട്

ഒരു മാസത്തോളമായി ഇയാള്‍ ഒളിവിലായിരുന്നു . പോക്സോ കേസ് ചുമത്തി അന്വേഷണം ആരംഭിച്ചതിനു പിന്നാലെയാണ് ഇയാള്‍ ഒളിവില്‍ പോയത് . ഇമാമിന് ഇതുവരെ ഒളിയിടം ഒരുക്കിയിരുന്ന സഹോദരൻ നൗഷാദ് രണ്ടു ദിവസം മുൻപ് പൊലീസ് പിടിയിലായിരുന്നു. ഇയാളിൽ നിന്ന് ലഭിച്ച മൊഴിയനുസരിച്ചാണ് ഇമാം തമിഴ്നാട്ടിലുണ്ടെന്ന് മനസിലാക്കിയത്.

ഇമാമിനെ പിടികൂടുന്നതിനായി എല്ലാ പോലീസ് സ്റ്റേഷന്‍ പരിധിയിലും ലുക്ക് ഔട്ട്‌ നോട്ടീസ് പുറപ്പെടുവിച്ചിരുന്നു . എന്നാല്‍ നോട്ടീസിലുള്ള ഫോട്ടോയിലെ രൂപം മാറി നടക്കുകയായിരുന്നു ഇയാള്‍ .