ശബരിമലയിൽ എത്തി ചേരുന്ന അയ്യപ്പഭക്തർക്ക് അടിയന്തര സേവനത്തിനായി ദേവസ്വം ബോർഡിന് പുതിയ ആംബുലൻസ് ലഭിച്ചു .ബാംഗ്ലൂർ സ്വദേശിയും വ്യവസായിയുമായ ബി.പി.മാരുതിയാണ് അത്യാധുനിക സൗകര്യങ്ങളുള്ള ആംബുലൻസ് സ്പോൺസർ ചെയ്തിരിക്കുന്നത് .
ആംബുലൻസിന്റെ താക്കോൽ കൈമാറൽ ചടങ്ങ് തിരുവനന്തപുരം നന്തൻകോട് ദേവസ്വം ബോർഡ് ആസ്ഥാനത്ത് നടന്നു . ദേവസ്വം ബോർഡ് പ്രസിഡന്റ് പി.എസ്. പ്രശാന്ത് ആംബുലൻസിന്റെ താക്കോൽ ഏറ്റുവാങ്ങി . ചടങ്ങിൽ ദേവസ്വം ബോർഡ് അംഗം അഡ്വ.എ.അജികുമാർ , ദേവസ്വം കമ്മീഷണർ സി.എൻ. രാമൻ, ചീഫ് എജീനിയർ ആർ.അജിത്ത് കുമാർ ,ശബരി ഗ്രൂപ് ഓഫ് കമ്പനീസ് ഉടമ ശശികുമാർ തുടങ്ങിയർ സംബന്ധിച്ചു .
അത്യാഹിതങ്ങളിൽപെടുന്ന അയ്യപ്പഭക്തർ സന്നിധാനത്തെ നിന്നും പമ്പയിൽ എത്തിക്കാൻ ഗൂർഖാ ആംബുലൻസ് അടുത്തവർഷം സജ്ജമാക്കുമെന്നും ബി.പി.മാരുതി തത്വമയി ന്യൂസിനോട് പറഞ്ഞു .
