പഞ്ചാബിലെ അമൃത്സറിലും ഗുരുദാസ്പൂരിലും നടത്തിയ തെരച്ചിലിൽ ദേശീയ അന്വേഷണ ഏജൻസി (എൻഐഎ) 20 ലക്ഷം രൂപയുംവെടിക്കോപ്പുകളും സ്‌ഫോടകവസ്തുക്കളും പിടിച്ചെടുത്തു.കണ്ടെടുത്ത പണം മയക്കുമരുന്ന് വ്യാപാരത്തിന്റെ വരുമാനമാണെന്ന് ഏജൻസി വിശ്വസിക്കുന്നു.
തേജ ഖുർദ് ഗ്രാമത്തിലെ മൻപ്രീത് സിംഗ് എന്നയാളുടെ താവളത്തിലാണ് എൻ ഐ എ പരിശോധന നടത്തിയത് . ഹിസ്ബുൾ മുജാഹിദ്ദീൻ എന്ന പാക്കിസ്ഥാൻ തീവ്രവാദ ഗ്രൂപ്പിന്റെ പ്രധാന പങ്കാളി ആണ് ഇയാൾ എന്ന് കരുതുന്നു. നിരവധി മയക്കുമരുന്ന് ,തീവ്രവാദ കേസുകളിൽ പ്രതികളായ ഖാലിസ്ഥാൻ ഭീകരവാദികളായ രഞ്ജിത് സിംഗ് ചീറ്റയുടെയും ഇക്ബാൽ സിങ്ങിന്റെയും അടുത്ത അനുയായിയാണ് മൻപ്രീത് സിംഗ്
2020 ഏപ്രിലിൽ റിയാസ് നായിക്കു എന്ന കൊടുംഭീകരൻ ഭീകരപ്രവർത്തനങ്ങൾക്കായി പണം സ്വരൂപിക്കാൻ അമൃത്സറിലെത്തിയെന്ന് സൂചനകൾ ഉണ്ടായിരുന്നു കർഷകസമരവുമായി ബന്ധപ്പെട്ട് പാക്കിസ്ഥാൻ ഭീകരസംഘടനകൾ ഉൾപ്പെടെ പഞ്ചാബിലേക്ക് വലിയതോതിൽ കള്ളപ്പണവും മയക്കുമരുന്നും ആയുധങ്ങളും എത്തിച്ചതായും നേരെത്തെ റിപ്പോർട്ടുണ്ടായിരുന്നു.
