ലഖ്നൗ: ഗുണ്ടാത്തലവന് അതീഖ് അഹമ്മദിന്റെ മൃതശരീരത്തില് ഒന്പത് വെടിയുണ്ടകള് കണ്ടെത്തിയെന്ന്
പോസ്റ്റുമോര്ട്ടം റിപ്പോര്ട്ട്. തലയില് നിന്ന് ഒരു വെടിയുണ്ടയും നെഞ്ച്, പുറംഭാഗം എന്നിവിടങ്ങളില് നിന്ന് എട്ട് വെടിയുണ്ടകളുമാണ് കണ്ടെത്തിയത്. സഹോദരന് അഷറഫ് അഹമ്മദിന്റെ ശരീരത്തില്, ഒന്ന് മുഖത്ത് നിന്നും നാല് വെടിയുണ്ടകള് പുറംഭാഗത്ത് നിന്നും കണ്ടെത്തി. അഞ്ച് വിദഗ്ദ ഡോക്ടര്മാരാണ് ഇരുവരുടെയും പോസ്റ്റുമോര്ട്ടം നടപടികള് പൂര്ത്തിയാക്കിയത്.
അതേസമയം, കേസില് പ്രതികളായ ലവ്ലേഷ് തിവാരി, സണ്ണി സിംഗ്, അരുണ് മൗര്യ എന്നിവരെ 14 ദിവസത്തേക്ക് റിമാന്ഡ് ചെയ്തു. കഴിഞ്ഞ ദിവസം പ്രയാഗ് രാജ് കോടതിയിലാണ് പ്രതികളെ ഹാജരാക്കിയത്. മുന് ഹൈക്കോടതി ജഡ്ജി അരവിന്ദ് കുമാര് ത്രിപാഠി, റിട്ട. ഐപിഎസ് ഉദ്യോഗസ്ഥന് സുബേഷ് കുമാര്, മുന് ജഡ്ജി ബ്രിജേഷ് കുമാര് സോണി എന്നിവര് നേതൃത്വം നല്കുന്ന ജുഡീഷ്യല് കമീഷനാണ് അതീഖ് അഹമ്മദിന്റെയും സഹോദരന്റെയും കൊലക്കേസ് അന്വേഷിക്കുന്നത്. രണ്ടുമാസത്തിനുള്ളില് റിപ്പോര്ട്ട് നല്കണമെന്നാണ് നിര്ദേശം.