”കോൺഗ്രസ് രാജ്യം ഭരിച്ചത് കുടുംബം നന്നാക്കാൻ വേണ്ടി മാത്രം”; രാജ്യസഭയിൽ കോൺഗ്രസിനെ വലിച്ചുകീറി നിർമ്മല സീതാരാമൻ

ദില്ലി: രാജ്യസഭയിൽ കോൺഗ്രസിനെ വലിച്ചുകീറി കേന്ദ്ര ധനമന്ത്രി നിർമ്മല സീതാരാമൻ(Nirmala Sitharaman). കോൺഗ്രസ് 65 വർഷം രാജ്യം ഭരിച്ചത്, കുടുംബം നന്നാക്കാൻ വേണ്ടി മാത്രമാണെന്ന് ധനമന്ത്രി തുറന്നടിച്ചു. സ്വന്തം കുടുംബത്തെ പടുത്തുയർത്താനും പിന്തുണയ്‌ക്കാനും വേണ്ടി മാത്രമാണ് രാജ്യം ഭരിച്ചത്. എന്നാൽ ഇനിയുള്ള കാലം ജനങ്ങൾക്ക് വേണ്ടി ഭാവി ലക്ഷ്യം വച്ചാണ് നാം പ്രവർത്തിക്കേണ്ടതെന്നും ധനമന്ത്രി പറഞ്ഞു.വരുന്ന 25 വർഷം ഇന്ത്യയുടെ ചരിത്രത്തിൽ ഏറ്റവും പ്രാധാന്യമേറിയതാണ്. ഇതിനെ നാം അമൃത കാലം എന്ന് വിളിക്കുന്നതിൽ ഒരു അത്ഭുതവുമില്ല.

കാരണം സ്വതന്ത്ര ഇന്ത്യയുടെ നൂറാം വർഷം എന്നതാണ് നമ്മുടെ ലക്ഷ്യം. ആദ്യ 70 വർഷത്തിൽ 65 വർഷവും കോൺഗ്രസ് തങ്ങളുടെ കുടുംബത്തിനും കുടുംബാംഗങ്ങളെ പടുത്തുർക്കാനും വേണ്ടി കഷ്ടപ്പെട്ടു. ഇനിയും അത് സാധിക്കില്ലെന്നും ജനങ്ങൾക്ക് വേണ്ടി പ്രവർത്തിക്കാനുള്ള സമയമായെന്നും നിർമല സീതാരാമൻ വ്യക്തമാക്കി. രാജ്യത്തെ കാർഷിക മേഖലയിലെ കൂടുതൽ വികസിപ്പിക്കാൻ ഡ്രോണുകൾ ഉപയോഗപ്രദമാകുമെന്നും ധനമന്ത്രി പറഞ്ഞു. കൃഷി മെച്ചപ്പെടുത്തുന്നതിനും നവീകരിക്കുന്നതിനുമുള്ള ഫലപ്രദമായ ഉപകരണമാണ് ഡ്രോണുകൾ. ഇത് കർഷകർക്ക് കൂടുതൽ ഗുണം ചെയ്യുമെന്നും നിർമല സീതാരാമൻ രാജ്യസഭയിൽ അറിയിച്ചു. ഡ്രോണുകൾ ഉപയോഗിക്കുന്നതിലൂടെ, രാസവളങ്ങൾ, കീടനാശിനികൾ എന്നിവയുടെ ഉപയോഗത്തിൽ കാര്യക്ഷമത കൊണ്ടുവരാൻ സാധിക്കുമെന്നും ധനമന്ത്രി ചൂണ്ടിക്കാട്ടി.