സാധാരണയായി ചർമ സംരക്ഷണത്തിൽ ഏറെ ശ്രദ്ധിക്കുന്നവരാണ് സ്ത്രീകൾ. ഇന്ന് പുരുഷന്മാരും ചർമകാര്യങ്ങളിൽ വളരെ താത്പര്യമാണ് കാണിക്കുന്നത്. അവർക്കായി ഇപ്പോഴിതാ പുതിയ അറിവാണ് പങ്കുവെക്കുന്നത്. വിഷവസ്തുക്കളിൽ നിന്നെല്ലാം ചർമത്തെ സംരക്ഷിക്കാനുള്ള കഴിവ് ഉള്ളിക്കുണ്ടെന്നാണ് പറയുന്നത്.
ഉള്ളിനീരിൽ നാരങ്ങനീരോ തൈരോ കലർത്തിയ മിശ്രിതം നേരിട്ടു ചർമത്തിൽ പുരട്ടാം. ഇതിലൂടെ ചർമത്തെ അണുബാധയിൽ നിന്നു സംരക്ഷിക്കാനും ചർമം ആരോഗ്യത്തോടെയും തിളക്കത്തോടെയുമിരിക്കാനും ഉള്ളി സഹായിക്കുന്നു.
അതേസമയം ഉള്ളിനീരിൽ സൾഫർ നിറഞ്ഞ സൈറ്റോകെമിക്കൽസ് അടങ്ങിയിരിക്കുന്നതുകൊണ്ട് ഇത് ചർമത്തിനു സംഭവിക്കുന്ന കേടുപാടുകളെ നീക്കുകയും ചർമത്തിന് ചെറുപ്പം തോന്നാൻ സഹായിക്കുകയും ചെയ്യും. മാത്രമല്ല ദിവസവും ഉള്ളിനീര് ശരീരത്തിൽ പുരട്ടുന്നത് ശീലമാക്കിയാൽ അത് പ്രായം തോന്നിപ്പിക്കുന്ന പാടുകളെ മായ്ക്കുകയും ചർമത്തിലെ ചുളിവുകളെ അകറ്റുകയും ചെയ്യും.
കൊളാജിൻ ഉൽപാദനം വർധിപ്പിക്കുന്ന ഘടകങ്ങൾ ഉള്ളിയിലുണ്ട്. ഇതിലൂടെ തലയോട്ടിയിലെയും മുഖത്തെയും ചർമകോശങ്ങളെ കൂടുതൽ ആരോഗ്യത്തോടെയിരിക്കാൻ സഹായിക്കുന്നു. കൂടാതെ ചർമത്തിലുണ്ടാകുന്ന അണുബാധകളെയും മറ്റു ചർമപ്രശ്നങ്ങളെയും അകറ്റുന്നു. മുടി നന്നായി വളരാൻ സഹായിക്കുന്നതിനൊപ്പം മുടി കൊഴിച്ചിലിനെ പ്രതിരോധിക്കുകയും ചെയ്യുന്നു.
