ഉക്രെയ്നിനെതിരായ യുദ്ധം അവസാനിപ്പിക്കാൻ റഷ്യൻ പ്രസിഡന്റ് വ്‌ളാഡിമിർ പുടിന് മാത്രമേ കഴിയൂ എന്നും എന്നാൽ സമീപകാലത്ത് സമാധാനം കൈവരിക്കുമെന്ന പ്രതീക്ഷ അസാദ്ധ്യമാണെന്നും പോളണ്ടിന്റെ വിദേശകാര്യ മന്ത്രാലയ വക്താവ് ലൂക്കാസ് ജസീന വ്യക്തമാക്കി .
“യുദ്ധമവസാനിപ്പിക്കാൻ കഴിയുന്ന ഒരാൾ . അത് പുടിനാണ്, അത് ആരംഭിച്ചയാൾക്ക് ഈ യുദ്ധം അവസാനിപ്പിക്കാൻ കഴിയും. എന്നാൽ റഷ്യ അത് ചെയ്യില്ലെന്ന് ഞങ്ങൾ വിശ്വസിക്കുന്നു, അവർ സമാധാനത്തിലും ചർച്ചയിലും വിശ്വസിക്കുന്നുവെന്ന് ഞങ്ങൾ വിശ്വസിക്കുന്നില്ല. ഈ യുദ്ധം പെട്ടെന്ന് അവസാനിക്കില്ല, ”അദ്ദേഹം പറഞ്ഞു.
അമേരിക്കയും ചൈനയും ഒഴികെ മറ്റാരും റഷ്യയുമായി ഒറ്റയ്ക്ക് പോരാടാൻ തയ്യാറല്ല. അതുകൊണ്ടാണ് നാറ്റോ രൂപീകരിക്കപ്പെട്ടത് റഷ്യ പോളണ്ടിനെ ആക്രമിക്കുമോ എന്ന ആശങ്കയും ആദ്ദേഹം പങ്കു വച്ചു.
കഴിഞ്ഞ വർഷം റഷ്യ- യുക്രൈൻ യുദ്ധം പൊട്ടിപ്പുറപ്പെട്ടതുമുതൽ, ദശലക്ഷക്കണക്കിന് യുക്രൈയ്ൻ പൗരന്മാർ തങ്ങളുടെ വീടുകൾ ഉപേക്ഷിച്ച് സുരക്ഷിതത്വവും സംരക്ഷണവും സഹായവും തേടി അയൽരാജ്യങ്ങളിലേക്ക് പലായനം ചെയ്തിട്ടുണ്ട്.
യുക്രൈയ്നിൽ നിന്നുള്ള അഭയാർത്ഥി പ്രവാഹത്തെ പോളണ്ട് എങ്ങനെ നേരിടുന്നു എന്ന ചോദ്യത്തിന്, തങ്ങളുടെ രാജ്യം സ്ത്രീകൾക്കും കുട്ടികൾക്കും മുൻഗണന നൽകുന്നുണ്ടെന്നും അവരെ സഹായിക്കാനുള്ള വഴികൾ കണ്ടെത്തുകയാണെന്നും അദ്ദേഹം പറഞ്ഞു.
