സ്ത്രീകളിലെ എല്ലുതേയ്മാനം ; അകറ്റാനായി ശീലിക്കാം ഈ ആഹാരങ്ങള്‍…

ഇന്ന് നമുക്കിടയില്‍ കണ്ടുവരുന്ന പ്രധാന വാതരോഗങ്ങളില്‍ ഒന്നാണ് എല്ല് തേയ്മാനം.ആര്‍ത്തവ വിരാമത്തോട് അടുക്കും തോറും സ്ത്രീകളുടെ ആരോഗ്യത്തിലും ശരീരത്തിലും പലതരത്തിലുള്ള വ്യത്യാസം അനുഭവപ്പെടാം. പ്രത്യേകിച്ച് എല്ലുകളുടെ ആരോഗ്യം പ്രായാമാകും തോറും നഷ്ടമാകുന്നു. പ്രത്യേകിച്ച് ആര്‍ത്തവിരാമത്തിലേയ്ക്ക് അടുക്കുമ്പോള്‍.

സ്ത്രീകളില്‍ എല്ല് തേയ്മാനം വരാതിരിക്കാന്‍ ആര്‍ത്തവ വിരാമത്തിനോട് അടുക്കുന്നതിന് മുന്‍പേ ശീലിക്കേണ്ട ചില ശീലങ്ങളുണ്ട്. അവ ഏതെല്ലാമെന്ന് നോക്കാം.

ഇലകളും പച്ചക്കറികളും കഴിക്കാം

ഇലകള്‍ ആഹാരത്തില്‍ ഉള്‍പ്പെടുത്തി കഴിക്കുന്നത് മൊത്തത്തിലുള്ള ആരോഗ്യം മെച്ചപ്പെടുത്തുന്നതിന് വളരെയധികം സഹായിക്കുന്നുണ്ട്. ഇത്തരം ഇലക്കറികള്‍ കഴിക്കുന്നതിലൂടെ ശരീരത്തിലേയ്ക്ക് വിറ്റമിന്‍ ഇ, മഗാനീഷ്യം, അയേണ്‍, കാല്‍സ്യം എന്നിവ ലഭിക്കുന്നു. ഇതുപോലെ തന്നെ നല്ല പച്ചക്കറികള്‍ കഴിക്കുന്നതും ആരോഗ്യം നിലനിര്‍ത്തന്‍ വളരെയധികം സഹായിക്കുന്നുണ്ട്.ചീര, കാബേജ്, ബ്രോക്കോളി, വെണ്ടക്ക, പോപ്പി സീഡ്‌സ്, എള്ള്, ചിയ സീഡ്‌സ്, നട്‌സ് എന്നിവയെല്ലാം ആഹാരത്തില്‍ ഉള്‍പ്പെടുത്തുന്നത് വളരെ നല്ലതാണ്.ഇത്തരം പച്ചക്കറികളും നട്‌സുമെല്ലാം സ്ത്രീകളുടെ ആരോഗ്യം മെച്ചപ്പെടുത്തുന്നതിനും അതുപോലെ, എല്ലുകളുടെ ആരോഗ്യം നിലനിര്‍ത്തുന്നതിനും ഇത് സഹായിക്കുന്നുണ്ട്.

വെജിറ്റേറിയന്‍ പ്രോട്ടീന്‍

സാധാരണ ഗതിയില്‍ പ്രോട്ടീന്‍ ലഭിക്കുന്നതിനായി മാംസാഹാരങ്ങളെ മാത്രം ആശ്രയിക്കുന്ന പ്രവണത കാണാം. എന്നാല്‍, സസ്യാഹാരത്തില്‍ നിന്നും ലഭിക്കുന്ന പ്രോട്ടീന്‍ എല്ലുകളുടെ ആരോഗ്യം സംരക്ഷിക്കുന്നതിനും നല്ലതാണ്.

ഇവയില്‍ ഫിറ്റോഈസ്ട്രജന്‍ അടങ്ങിയിരിക്കുന്നു. ഇത് ശരീരത്തിലെ ഈസ്ട്രജന്റെ അളവ് വര്‍ദ്ധിപ്പിക്കുന്നതിന് സഹായിക്കുന്നുണ്ട്. ഇത് എല്ലുകളുടെ ആരോഗ്യത്തിനും പുതിയ എല്ലുകള്‍ വരുന്നതിനും സഹായിക്കുന്നു.ചിക്പീസ്, ഫ്‌ലാക്‌സീഡ്‌സ്, തോഫൂ എന്നിവയെല്ലാം പ്രോട്ടീന്‍ ലഭിക്കുന്നതിനായി ആശ്രയിക്കാവുന്നതാണ്. ഇവ കൃത്യമായ അളവില്‍ മാത്രം ഡയറ്റില്‍ ചേര്‍ക്കുക

പാല്‍ ഉല്‍പന്നങ്ങള്‍

പാല്‍ ഉല്‍പന്നങ്ങള്‍ കഴിക്കുന്നതും എല്ലുകളുടെ ആരോഗ്യം നിലനിര്‍ത്താന്‍ നല്ലത് തന്നെ. പ്രത്യേകിച്ച്, പാല്‍, തൈര്, മോര്. പനീര്‍, ചീസ് എന്നിവയെല്ലാം കഴിക്കുന്നത് വളരെ നല്ലതാണ്. ഇവയില്‍ ധാരാളം കാല്‍സ്യവും അതുപോലെ, ഫോസ്ഫറസ്, പൊട്ടാസ്യം എന്നിവ അടങ്ങിയിരിക്കുന്നു.കൂടാതെ, മഗ്‌നീഷ്യം, വിറ്റമിന്‍ കെ എന്നിവയും അടങ്ങിയിരിക്കുന്നു. ഇവയെല്ലാം തന്നെ എല്ലിന്റെ ആരോഗ്യം നിലനിര്‍ത്തുന്നതിന് സഹായിക്കുന്നുണ്ട്. അതിനാല്‍, ആര്‍ത്തവിരാമത്തിനോടടുക്കുന്ന സ്ത്രീകള്‍ ഇവ ആഹാരത്തില്‍ ചേര്‍ക്കേണ്ടത് അനിവാര്യം.

ഡ്രൈ ഫ്രൂട്‌സ്

നല്ല ഉണക്കിയെടുത്ത പ്ലം കഴിക്കുന്നതും ആഹാരത്തില്‍ ചേര്‍ക്കുന്നതും വളരെ നല്ലതാണ്. ഇത് എല്ലുകളുടെ ആരോഗ്യം നിലനിര്‍ത്താന്‍ വളരെയധികം സഹായിക്കുന്നുണ്ട്. ഇത് നിങ്ങള്‍ക്ക് ഓട്‌സിന്റെ കൂടേയും സ്മൂത്തിയിലും ഇട്ട് കുടിക്കാവുന്നതാണ്. അല്ലെങ്കില്‍ കുതിര്‍ത്ത് കഴിക്കുന്നതും നല്ലത് തന്നെ. നിങ്ങള്‍ക്ക് ഇഷ്ടമുള്ള പ്ലംസ് എടുത്ത് കഴിക്കാന്‍ തിരഞ്ഞെടുക്കാവുന്നതാണ്.