പാലക്കാട്: അകത്തേത്തറയിൽ ജനവാസമേഖലയിൽ കരടിയിറങ്ങി. ചീക്കുഴി ഭാഗത്ത് ഇന്നലെ വൈകീട്ടായിരുന്നു സ്‌കൂൾ വിദ്ധ്യാർത്ഥികൾ കരടിയെ കണ്ടത്. പ്രദേശത്ത് കാട്ടാന, പുലി ശല്യം രൂക്ഷമായി തുടരുന്നതിനിടെയാണ് കരടിയുടേയും സാന്നിധ്യം നാട്ടുകാരെ ആശങ്കയിലാക്കുന്നത്.
ഇന്നലെ വൈകിട്ട് ആറുമണിയോടെ ഒൻപതിലും,പത്തിലും പഠിക്കുന്ന വിദ്ധ്യാർത്ഥികൾ ഡാൻസ് ക്ലാസ്സ് കഴിഞ്ഞ് റോഡിലൂടെ നടന്നുവരവേയാണ് കരടിയെ കണ്ടത്. അത്ഭുതകരമായാണ് ഇരുവരും കരടിയുടെ ആക്രമണത്തിൽ നിന്ന് രക്ഷപ്പെട്ടത്
കാട്ടാനയുടെയും പുലിയുടെയും തുടർച്ചയായ ആക്രമണങ്ങൾ കൊണ്ട് പൊറുതിമുട്ടിയ ചീക്കുഴി നിവാസികൾക്ക് ഇനി കരടിപേടിയും നേരിടേണ്ടിവരും.
