ഹൈദരാബാദ്: കേരളത്തിലേക്ക് നിക്ഷേപം ക്ഷണിച്ച് തെലങ്കാനയിലെ വ്യവസായ പ്രമുഖരുമായി മുഖ്യമന്ത്രി ഹൈദരാബാദിലെ ഹോട്ടൽ പാർക്ക് ഹയാത്തിൽ നടത്തിയ കൂടിക്കാഴ്ചയിലാണ് മോഹനവാഗ്ദാനങ്ങൾ നടത്തിയത് . ഇൻവെസ്റ്റ്മെന്റ് റോഡ് ഷോ എന്ന പേരിലാണ് നിക്ഷേപക സംഗമം നടന്നത്.
സംസ്ഥാനമിപ്പോൾ തേടുന്നത് മികച്ച പങ്കാളിത്തമാണ്. രാജ്യത്ത് ലഭ്യമായ ഏറ്റവും മികച്ചവയുമായി താരതമ്യപ്പെടുത്താവുന്ന സൗകര്യങ്ങൾ നിക്ഷേപകർക്ക് നൽകാൻ സാധിക്കുമെന്ന ഉറപ്പ് കേരളത്തിനുണ്ട്.
സമൃദ്ധമായ ജലം, ശുദ്ധവും ശുചിത്വവുമുള്ള അന്തരീക്ഷം ഉൾപ്പെടെ പ്രകൃതിവിഭവങ്ങളാൽ അനുഗൃഹീതമാണ് ഇവിടം. വികസിത രാജ്യങ്ങളുമായി താരതമ്യപ്പെടുത്താവുന്ന നിലവാരമുള്ള, രാജ്യത്തെ തന്നെ ഏറ്റവും സാക്ഷരരും വിദ്യാസമ്പന്നരുമായ തൊഴിലാളികളെ നൽകാൻ കേരളത്തിനു സാധിക്കും. പാരിസ്ഥിതിക സുസ്ഥിരതയ്ക്ക് കോട്ടം തട്ടാത്ത വ്യവസായങ്ങൾക്കായി കൂടുതൽ നിക്ഷേപകരെ ആകർഷിച്ച് രാജ്യത്തെ ഏറ്റവും മികച്ച നിക്ഷേപ സൗഹൃദ സംസ്ഥാനമാവുക എന്നതാണ് കേരളത്തിന്റെ ലക്ഷ്യം. നിശ്ചയദാർഢ്യത്തോടെയും കരുതലോടെയും സർക്കാർ ഈ ലക്ഷ്യം കൈവരിക്കുമെന്നും മുഖ്യമന്ത്രി പറഞ്ഞു.
മുൻപ് ജപ്പാനിൽ പോയ മുഖ്യമന്ത്രി തിരിച്ചു വന്നു തള്ളി മറിച്ചത് 200 കോടിയുടെ നിക്ഷേപം അവിടെ നിന്നും ലഭിക്കും എന്നായിരുന്നു , എന്നിട്ടൊന്നും നടന്നില്ലെന്ന് അറിയാവുന്ന ബോധമുള്ള മലയാളിക്ക് ഇതും മറ്റൊരു പിണറായി തള്ളായിരിക്കും എന്ന കാര്യത്തിൽ സംശയമൊന്നുമില്ല
