ലെസ്റ്റർ : യുകെയിലെ ലെസ്റ്ററിൽ ഈ മാസം 19 ന് നടന്ന ഗണേശ ചതുർത്ഥി ആഘോഷത്തിനിടെ ഇന്ത്യൻ വംശജനായ വയോധികനായ ഹിന്ദു പുരോഹിതനോട് ഒരു പോലീസ് ഉദ്യോഗസ്ഥൻ അപമര്യാദയായി പെരുമാറുന്ന ഞെട്ടിക്കുന്ന വീഡിയോ പുറത്തു വന്നു. വീഡിയോ സമൂഹ മാദ്ധ്യമങ്ങളിലടക്കം വൈറലായതോടെ വൻ പ്രതിഷേധമാണ് സംഭവത്തിൽ ഉയരുന്നത്
യുകെ ആസ്ഥാനമായുള്ള കമ്മ്യൂണിറ്റി ഗ്രൂപ്പായ ഇൻസൈറ്റ് യുകെയാണ് സംഭവത്തിന്റെ വീഡിയോ ഷെയർ ചെയ്യുകയും എക്‌സ് പ്ലാറ്റ്‌ഫോമിൽ ഹിന്ദു പുരോഹിതനെ ആദം അഹമ്മദ് എന്ന ഒരു പോലീസ് ഉദ്യോഗസ്ഥൻ അപമാനിച്ചുവെന്ന വിവരം പങ്കുവയ്ക്കുകയും ചെയ്തത്.
Hindu Priest pushed around and asked to come to one side for questioning. This video shows the Priest is confused and stressed.
@leicespolice is this the correct behaviour from an officer?#GaneshChaturti #Hindus #Leicester pic.twitter.com/yusJUuySgs
— INSIGHT UK – Leicester (@INSIGHTLeicestr) September 19, 2023
വിഷയത്തിൽ ലെസ്റ്റർ ഭരണകൂടത്തിൽ നിന്ന് ഔദ്യോഗിക അറിയിപ്പൊന്നും ലഭിച്ചിട്ടില്ലാത്തതിനാൽ സംഭവത്തിൽ ഉദ്യോഗസ്ഥനെതിരെ നടപടി സ്വീകരിച്ചിട്ടുണ്ടോയെന്ന് വ്യക്തമല്ല. എന്നിരുന്നാലും, പോലീസുകാരൻ വയോധികനായ ഹിന്ദു പുരോഹിതനെ അപമാനിച്ചു എന്നതിനൊപ്പം പുരോഹിതനെ ഉപദ്രവിക്കരുത് എന്ന് പറയുന്ന മറ്റൊരു ഇന്ത്യൻ വംശജനെ മർദിക്കാനും ശ്രമിക്കുന്നത് വീഡിയോ ദൃശ്യങ്ങളിൽ വ്യക്തമാണ്.
