ഫ്രാങ്കോ മുളയ്ക്കലിനെതിരെ കുറ്റപത്രം സമർപ്പിച്ചു; ബലാൽസംഗവും പ്രകൃതി വിരുദ്ധ പീഡനവും ഉൾപ്പടെ അഞ്ച് വകുപ്പുകൾ

കോട്ടയം: കന്യാസ്ത്രീ പീഡന കേസിൽ ജലന്ധർ രൂപത മുൻ ബിഷപ്പ് ഫ്രാങ്കോ മുളയ്ക്കലിനെതിരായ കുറ്റപത്രം പാലാ ഒന്നാംക്ലാസ് മജിസ്ട്രേട്ട് കോടതിയിൽ സമർപ്പിച്ചു. ബലാൽസംഗവും പ്രകൃതി വിരുദ്ധ പീഡനവും ഉൾപ്പെടെ അഞ്ചു വകുപ്പുകൾ ചുമത്തിയാണ് കുറ്റപത്രം. കുറ്റം തെളിഞ്ഞാൽ ജീവപര്യന്തം ശിക്ഷവരെ ലഭിക്കാം. കേസിൽ കർദിനാൾ ജോർജ് ആലഞ്ചേരി ഉൾപ്പെടെ 83 സാക്ഷികൾ ഉണ്ട്.