കോട്ടക്കൽ: കോട്ടക്കൽ വെങ്കിട്ടതേവർ ക്ഷേത്ര പരിസരത്തെ ആർഎസ്എസ് ശാഖ നിർത്തി വച്ചിട്ടില്ലെന്നും വ്യാജപ്രചാരണമാണ് നടക്കുന്നതെന്നും ആർഎസ്എസ് മലപ്പുറം ജില്ലാ കാര്യകാരി പ്രസ്താവനയിൽ അറിയിച്ചു.ക്ഷേത്ര പരിസരത്ത് ശാഖ നടത്തുന്നത് തടയാൻ ഭരണകക്ഷിയുടെ ഒത്താശയോടെ നടപ്പാക്കിയ ഏകപക്ഷീയമായ നിരോധന ഉത്തരവിനെ നിയമപരമായി നേരിടുമെന്ന് ജില്ലാ കാര്യകാരി അറിയിച്ചു.
ഇവിടെ ശാഖ നടത്തുന്നതിന് അനുവാദം നല്കിയത് ഭൂമിയുടെ ഉടമസ്ഥരായ കിഴക്കേ കോവിലകം ട്രസ്റ്റ് മാനേജർ ദിലീപ് രാജയാണ്. ഇത് ആർഡിഒ മുമ്പാകെ വ്യക്തമാക്കിയതുമാണ്.
നേരത്തെ ശാഖ നടക്കുന്ന സ്ഥലത്ത് ഡി വൈഎഫ്ഐ അതിക്രമിച്ച് കയറുകയും കൊലവിളികളും ഭീഷണിയും മുഴക്കിയിരുന്നു. ഡി വൈഎഫ്ഐ പ്രകോപനത്തെ വകവയ്ക്കാതെ സ്വയംസേവകർ സംയമനം പാലിച്ച് ശാഖ പൂർത്തിയാക്കി സമാധാനപരമായി പിരിയുകയായിരുന്നു. ഡിവൈഎഫ് ഐയുടെ കൊലവിളി മുദ്രാവാക്യം സാമൂഹ്യമാദ്ധ്യമങ്ങളിൽ പ്രചരിച്ചെങ്കിലും പോലീസ് അവർക്കെതിരെ നടപടിയെടുത്തില്ല. ഡിവൈഎഫ് ഐക്ക് അ നുകൂലമായുള്ള റിപ്പോർട്ട് പോലീസ് തയാറാക്കുകയായിരുന്നു. ഈ റിപ്പോർട്ടിന്റെ അടിസ്ഥാ നത്തിലാണ് തിരൂർ സബ് ഡിവിഷണൽ മജി സ്റ്റേറ്റ് ആർഎസ്എസ് ശാഖയ്ക്കെതിരെ ഏ കപക്ഷീയമായി തീരുമാനമെടുത്തത്.
