തിരുവനന്തപുരം: നടിയെ ആക്രമിച്ച കേസില് പ്രതിയായ പള്സര് സുനിയുടെ ജാമ്യാപേക്ഷ തള്ളി. തുടരന്വേഷണം നടക്കുന്ന ഈ ഘട്ടത്തില് ജാമ്യം നല്കാനാകില്ലെന്ന് വിലയിരുത്തിയ ഹൈക്കോടതി ജാമ്യാപേക്ഷ തള്ളുകയായിരുന്നു.
ജസ്റ്റിസ് പി.വി. കുഞ്ഞികൃഷ്ണന്റെ സിംഗിള് ബഞ്ചാണ് ജാമ്യാപേക്ഷ തള്ളിയത്. ജയിലില് സുരക്ഷാ ഭീഷണിയുണ്ടെന്ന് കാണിച്ചാണ് പള്സര് സുനി ജാമ്യാപേക്ഷയുമായി കോടതിയെ സമീപിച്ചത്.
അതേസമയം നടിയെ ആക്രമിച്ച കേസില് തുടരന്വേഷണത്തിന്റെ ഭാഗമായി പ്രതികളിലൊരാളായ നടന് ദിലീപിനെ ഇന്ന് വീണ്ടും ക്രൈംബ്രാഞ്ച് ചോദ്യം ചെയ്യും. ചോദ്യം ചെയ്യലിനായി ദിലീപ് ക്രൈംബ്രാഞ്ച് ഓഫീസിലെത്തി. ഇന്നലെ ഏഴ് മണിക്കൂറോളം ക്രൈംബ്രാഞ്ച് മേധാവി എസ് ശ്രീജിത്തിന്റെ നേതൃത്വത്തില് ചോദ്യം ചെയ്തിരുന്നു. നടിയെ ആക്രമിച്ചു പകര്ത്തിയ ദൃശ്യങ്ങള് തന്റെ കൈവശം ഇല്ലെന്നായിരുന്നു ദിലീപ് നൽകിയ മൊഴി.
