ശ്രീനഗര്: പുല്വാമയില് സുരക്ഷാ സേനയും ഭീകരരും തമ്മില് ഏറ്റുമുട്ടല്. സംഭവത്തിൽ രണ്ടു ഭീകരരെ വധിച്ചതായുളള റിപ്പോർട്ടുകൾ പുറത്തുവന്നിട്ടുണ്ട്. എന്നാൽ കൊല്ലപ്പെട്ട ഭീകരരെ ഇതുവരെ തിരിച്ചറിഞ്ഞിട്ടില്ല. സൗത്ത് കശ്മീരിലെ നഗ്ബേരന്-ടര്സര് വനപ്രദേശത്ത് ഭീകരരുടെ സാന്നിധ്യമുണ്ടെന്ന് സുരക്ഷാസേനയ്ക്ക് രഹസ്യ വിവരം ലഭിച്ചിരുന്നു.
തുടര്ന്ന് സേന പ്രദേശം ഇന്ന് രാവിലെയോടെ വളയുകയും പരിശോധന നടത്തുകയും ചെയ്തു. പരിശോധനയ്ക്കിടെ ഭീകരര് സുരക്ഷാസേനയ്ക്ക് നേരെ വെടിയുതിര്ക്കുകയായിരുന്നു. തുടര്ന്ന് സേന പ്രത്യാക്രമണം നടത്തി. കൂടുതല് വിവരങ്ങള് ലഭ്യമാകുന്നേയുള്ളൂ എന്ന് ഉദ്യോഗസ്ഥര് അറിയിച്ചു. പ്രദേശത്ത് ഏറ്റുമുട്ടല് ഇപ്പോഴും തുടരുകയാണ്. ജമ്മു വ്യോമവിമാനത്താവളത്തിലുണ്ടായ ഡ്രോൺ സ്ഫോടനത്തിന് ശേഷം നിരവധിയായ ഏറ്റുമുട്ടലുകളാണ് ഭീകരരും സുരക്ഷാ സേനയും തമ്മിൽ ജമ്മു കശ്മീരിലും അതിർത്തിയിലുമായി നടന്നുകൊണ്ടിരിക്കുന്നത്.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona