കുമരകം: സ്കൂട്ടർ യാത്രക്കാരിയായ യുവതിയെ തടഞ്ഞുനിർത്തി അപമര്യാദയായി പെരുമാറിയ 41കാരൻ അറസ്റ്റിൽ. വൈക്കം, കൈപ്പുഴമുട്ട് കിടങ്ങയില് കെ.പി. പ്രവീണിനെയാണ് കുമരകം പോലീസ് അറസ്റ്റ് ചെയ്തത്.
കഴിഞ്ഞ ദിവസം കോട്ടയം ഭാഗത്തുനിന്ന് കൈപ്പുഴമുട്ട് ഭാഗത്തേക്കു ഇരുചക്രവാഹനത്തിൽ കടക്കുകയായിരുന്ന യുവതിയെയും സുഹൃത്തിനെയും പ്രതി പിന്തുടര്ന്നെത്തി വാഹനം തടഞ്ഞുനിര്ത്തിയതിന് ശേഷം അസഭ്യം പറയുകയും യുവതിയെ അടിക്കുകയും ചെയ്തു. പിന്നാലെ ഇയാള് ഇവര് യാത്ര ചെയ്തിരുന്ന സ്കൂട്ടറിന്റെ താക്കോല് ഊരിയെറിഞ്ഞു. യുവതിയുടെ പരാതിയുടെ അടിസ്ഥാനത്തിൽ കേസെടുത്ത കുമരകം പോലീസ് ഇയാളെ പിടികൂടുകയായിരുന്നു. അറസ്റ്റിലായ പ്രതിയെ കോടതിയിൽ ഹാജരാക്കി.