കാനഡ ഓപ്പൺ സെമി ഫൈനലിൽ പ്രവേശിച്ച് ഇന്ത്യൻ താരങ്ങളായ പിവി സിന്ധുവും ലക്ഷ്യ സെന്നും. പി വി സിന്ധു ചൈനയുടെ ഗാവോ ഫാങ് ജിയെയാണ് കീഴടക്കിയാണ് സെമി ഫൈനലിൽ പ്രവേശിച്ചത്. ചൈനീസ് താരത്തെ, നേരിട്ടുളള രണ്ട് ഗെയിമുകളിൽ 21-13, 21-7 എന്നീ സ്‌കോറിനാണ് സിന്ധു തകർത്തെറിഞ്ഞത്. സെമി ഫൈനലിൽ ജപ്പാന്‍ താരം അകാന യമാഗുച്ചിയെയാണ് സിന്ധുവിന്റെ എതിരാളി.
അതേസമയം, 2022ലെ കോമൺവെൽത്ത് ഗെയിംസ് ജേതാവായ ലക്ഷ്യ സെൻ ജർമ്മനിയുടെ ജൂലിയൻ കരാഗിയെയാണ് പരാജയപ്പെടുത്തിയത്. 21-8, 17-21, 21-10 എന്ന സ്‌കോറിനാണ് ലക്ഷ്യ സെൻ പരാജയപ്പെടുത്തിയത്. സെമി ഫൈനലിൽ ജപ്പാന്റെ കെന്റ നിഷിമോട്ടോയാണ് ലക്ഷ്യ സെന്നിന്റെ എതിരാളി. അതേസമയം, ജൂലൈ 4ന് ആരംഭിച്ച കാനഡ ഓപ്പൺ അവസാനിക്കുക ജൂലൈ 9-തിനാണ്.
