തിരുവനന്തപുരം: നാട്ടിലേക്ക് തിരിച്ചെത്തുന്ന പ്രവാസികളെയും അന്താരാഷ്ട്ര യാത്രികരെയും (Covid) കോവിഡ്
രോഗലക്ഷണങ്ങള് ഉണ്ടെങ്കില് മാത്രം പരിശോധിച്ചാല് മതിയെന്ന് തീരുമാനം. മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന കോവിഡ് അവലോകന യോഗത്തിന് ശേഷമാണ് ഇക്കാര്യം തീരുമാനിച്ചത്.
രോഗലക്ഷണമുള്ളവര്ക്ക് മാത്രമേ സമ്പർക്കവിലക്ക് ആവശ്യമുള്ളൂ. രാജ്യാന്തര യാത്രികര് യാത്ര കഴിഞ്ഞതിന്റെ എട്ടാമത്തെ ദിവസം ആര്ടിപിസിആര് പരിശോധന ചെയ്യണമെന്ന നിലവിലെ മാനദണ്ഡം മാറ്റണമെന്ന ആരോഗ്യവിദഗ്ധ സമിതിയുടെ നിര്ദേശം യോഗം അംഗീകരിച്ചു. എയര്പോര്ട്ടുകളില് റാപ്പിഡ് ടെസ്റ്റ് ഉള്പ്പെടെയുള്ള ടെസ്റ്റുകള്ക്ക് അന്യായമായ നിരക്ക് ഈടാക്കാന് പാടില്ല. പ്രവാസികള്ക്ക് താങ്ങാന് പറ്റുന്ന നിരക്ക് മാത്രമെ ഈടാക്കാവൂ. ഇക്കാര്യത്തില് ആവശ്യമായ നടപടി സ്വീകരിക്കാന് മുഖ്യമന്ത്രി ആരോഗ്യ വകുപ്പിനോട് നിര്ദ്ദേശിച്ചു.
അതേസമയം 10, പ്ലസ് വണ്, പ്ലസ് ടു ക്ലാസുകള് ഏഴാം തീയതി മുതല് പുനരാരംഭിക്കും. കോളേജുകള്ക്കും തുറന്ന് പ്രവര്ത്തിക്കാന് അനുമതി നല്കി. ഒന്നു മുതല് ഒമ്പത് വരെ ക്ലാസുകള് കിന്ഡര് ഗാര്ട്ടനുകള് തുടങ്ങിയവ ഫെബ്രുവരി 14 മുതല് ആരംഭിക്കും.
