കേരള – ലക്ഷദ്വീപ് തീരങ്ങളില് ഏപ്രില് 23 ന് മത്സ്യബന്ധനത്തില് ഏര്പ്പെടുവാന് പാടില്ലായെന്ന് എന്ന് കേന്ദ്ര കാലാവസ്ഥ വകുപ്പ്. എന്നാൽ കര്ണാടക തീരത്ത് മത്സ്യബന്ധനത്തിന് തടസമില്ലെന്നും കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകി. കേരള – ലക്ഷദ്വീപ് തീരങ്ങളില് മണിക്കൂറില് 40-50 കിലോമീറ്റര് വേഗതയില് ശക്തമായ കാറ്റിന് സാധ്യതയുണ്ട്. അതുകൊണ്ട് തന്നെ എല്ലാവരും ജാഗ്രത പാലിക്കണമെന്നും അധികൃതർ അറിയിച്ചു.
ഈ മുന്നറിയിപ്പ് പിന്വലിക്കുന്നത് വരെ കടലില് പോകരുത്. തെക്കന്- തമിഴ്നാട് തീരം,കോമോറിന് പ്രദേശത്തും മണിക്കൂറില് 40-50 കിലോമീറ്റര് വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. പ്രസ്തുത പ്രദേശങ്ങളിലും മത്സ്യബന്ധനത്തിന് പോകാന് പാടുള്ളതല്ല.
തിരുവനന്തപുരം ജില്ലയില് ഇന്ന് 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെയുള്ള ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതായി കേന്ദ്ര കാലാവസ്ഥാവകുപ്പ്. ഈ സാഹചര്യത്തില് ഇന്ന് യെല്ലോ അലര്ട്ട് പ്രഖ്യാപിച്ചതായി ജില്ലാ കളക്ടര് ഡോ.നവ്ജ്യോത്ഖോസ അറിയിച്ചു.
