ചെന്നൈ: നരേന്ദ്ര മോദിയുടെ രണ്ടാം എൻഡിഎ സർക്കാരിന്റെ സത്യപ്രതിജ്ഞാ ചടങ്ങിൽ സ്റ്റൈൽ മന്നൻ രജനീകാന്തും പങ്കെടുക്കും. ചടങ്ങിലേക്കുള്ള ക്ഷണം രജനീകാന്ത് സ്വീകരിച്ചതായാണ് സൂചന.
മുഖ്യമന്ത്രി എടപ്പാടി പളനിസ്വാമി, ഉപമുഖ്യമന്ത്രി ഒ പനീർസെൽവം എന്നിവരും രജനിയോടൊപ്പം തമിഴ് നാട്ടിൽനിന്ന് സത്യപ്രതിജ്ഞാ ചടങ്ങിന് എത്തും.
മക്കൾ നീതിമയ്യം നേതാവും നടനുമായ കമൽഹാസനും സത്യപ്രതിജ്ഞാ ചടങ്ങിലേക്ക് ക്ഷണമുണ്ട്. എന്നാൽ തിരഞ്ഞെടുപ്പിൽ തന്റെ പാർട്ടിക്കേറ്റ ദയനീയ പാരാജയത്തിന്റെ പശ്ചാത്തലത്തിൽ അദ്ദേഹം ചടങ്ങിനെത്തുമോയെന്ന കാര്യം വ്യക്തമല്ല.
