Friday, March 29, 2024
spot_img

സഞ്ജു രാജസ്ഥാനിൽ തന്നെ; ക്യാപ്റ്റനായി തുടരും, നിലനിര്‍ത്തുന്നത് ഞെട്ടിപ്പിക്കുന്ന തുകക്ക്

ജയ്പൂര്‍: മലയാളി താരം സഞ്ജു സാംസണ്‍ ഐപിഎല്ലിലെ രാജസ്ഥാന്‍ റോയല്‍സ് ടീമില്‍ തുടരും. നിലവില്‍ എട്ട് കോടി രൂപയാണ് സഞ്ജുവിന് ഒരു സീസണില്‍ ലഭിച്ചിരുന്നത്. പുതിയ കരാര്‍ പ്രകാരം 14 കോടി രൂപ ഇനി അദ്ദേഹത്തിന് ലഭിക്കും. ഇന്ത്യന്‍ ടീമില്‍ സജീവമല്ലെങ്കിലും ഐപിഎല്ലില്‍ തന്റേതായ സ്ഥാനമുള്ള കളിക്കാരനാണ് സഞ്ജു സാംസണ്‍.

കഴിഞ്ഞ സീസണില്‍ രാജസ്ഥാന്‍ ബാറ്റ്‌സ്മാന്‍മാരില്‍ സഞ്ജു ആയിരുന്നു മുന്നില്‍. എന്നാല്‍ ഇന്‍സ്റ്റഗ്രാമില്‍ സഞ്ജു രാജസ്ഥാന്‍ റോയല്‍സിനെ അണ്‍ഫോളോ ചെയ്തതും ചെന്നൈ സൂപ്പര്‍ കിംഗ്‌സിനെ പിന്തുടരാന്‍ തുടങ്ങിയതും അഭ്യൂഹങ്ങള്‍ക്ക് വഴിവച്ചിരുന്നു. സഞ്ജുവിന് പുറമേ ജോസ് ബട്‌ലര്‍, ജോഫ്രാ ആര്‍ച്ചര്‍, യശ്വസി ജയ്‌സ്വാള്‍ എന്നിവരെയാവും രാജസ്ഥാന്‍ നിലനിര്‍ത്തിയേക്കുക. ഞായറാഴ്ചയ്ക്കകം തീരുമാനം വ്യക്തമാക്കുമെന്ന് രാജസ്ഥാന്‍ റോയല്‍സ് വൃത്തങ്ങള്‍ അറിയിച്ചു.അതേസമയം സഞ്ജു സാംസണെ മൂന്ന് വര്‍ഷത്തേക്ക് നായകനാക്കിവെക്കുമ്പോള്‍ ടീമിന് പ്രതീക്ഷകളേറെ. ഇക്കഴിഞ്ഞ സയ്യിദ് മുഷ്താഖ് അലി ട്രോഫിയില്‍ സഞ്ജു സാംസണാണ് കേരളത്തെ നയിച്ചത്.

Related Articles

Latest Articles