പാലക്കാട് : അട്ടപ്പാടിയിൽ ഓടിക്കൊണ്ടിരുന്ന കെഎസ്ആര്ടിസി ബസിന്റെ പിന്ചക്രം ഊരിത്തെറിച്ചു. നിയന്ത്രണം വിട്ട ബസ് സമീപത്തെ കോൺക്രീറ്റ് ഭിത്തിയിൽ ഇടിച്ചുനിന്നതിനാൽ തലനാരിഴയ്ക്കാണ് വൻ ദുരന്തം ഒഴിവായി. മണ്ണാര്ക്കാട് – ആനക്കട്ടി റൂട്ടിൽ സർവീസ് നടത്തുന്ന ബസാണ് അപകടത്തില്പെട്ടത്.
വിദ്യാർത്ഥികൾ ഉൾപ്പെടെ നാൽപതിലധികം യാത്രക്കാർ ബസിലുണ്ടായിരുന്ന സമയത്താണ് അപകടം നടന്നത്. അപകടത്തിൽ ആർക്കും പരിക്കില്ല. ടയർ ഊരിത്തെറിക്കാനിടയായ കാരണം വ്യക്തമല്ലെന്നും ഇതേക്കുറിച്ച് വിശദമായി അന്വേഷിക്കുമെന്നാണ് അധികൃതർ അറിയിച്ചു.