“ദീപുവിനെ സിപിഎം പ്രവർത്തകർ അടിച്ചുകൊന്നു, ഒന്നാം പ്രതി എംഎൽഎ ശ്രീനിജൻ”; ഗുരുതര ആരോപണവുമായി സാബു എം ജേക്കബ്

കൊച്ചി: ട്വന്റി ട്വന്റി പ്രവർത്തകൻ ദീപുവിനെ സിപിഎം പ്രവർത്തകർ അടിച്ചുകൊന്നതെന്ന് കോർഡിനേറ്റർ സാബു എം ജേക്കബ്(Sabu M Jacob). കൊലപാതകം ആസൂത്രിതമാണെന്നും, കൊലയ്‌ക്ക് പിന്നിൽ സിപിഎമ്മും, കുന്നത്തുനാട് എംഎൽഎ ശ്രീനിജനും ആണെന്നും അദ്ദേഹം പറഞ്ഞു.

സംഭവത്തിൽ ശ്രീനിജനെ ഒന്നാം പ്രതിയാക്കി അറസ്റ്റ് ചെയ്യണമെന്നും, ദിവസങ്ങൾക്ക് മുൻപുതന്നെ വിളക്കണയ്‌ക്കൽ പ്രതിഷേധം നടത്താൻ തീരുമാനിച്ചിരുന്നു. അതുകൊണ്ടുതന്നെ ഒരാഴ്ചയോളം പ്രതികൾ ഗൂഢാലോചന നടത്തി. പ്രതിഷേധവുമായി ബന്ധപ്പെട്ട വിവരം വീടുകൾ കയറി പറയുന്നതിന് ഇടെയാണ് ദീപു ആക്രമിക്കപ്പെട്ടത്. മുൻകൂട്ടി ആസൂത്രണം ചെയ്തത് പ്രകാരം സിപിഎം പ്രവർത്തകർ ഒളിച്ചിരിക്കുകയായിരുന്നു. ദീപു വീട്ടിൽ നിന്ന് ഇറങ്ങിയതും ചാടിവന്ന് ആക്രമിക്കുകയായിരുന്നുവെന്നും, അദ്ദേഹം പറഞ്ഞു.

സംഭവം നടന്ന് 15 മിനിറ്റ് കഴിഞ്ഞാണ് വാർഡ് മെമ്പർ എത്തിയത് അപ്പോഴും ദീപുവിനെ സിപിഎം പ്രവർത്തകർ ആക്രമിക്കുകയായിരുന്നുവെന്നും . പ്രൊഫഷണൽ കൊലപാതകികൾ നടപ്പിലാക്കുന്ന രീതിയിലായിരുന്നു കൊലപാതകം. ദീപുവിന് ബാഹ്യമായ പരിക്കുകളില്ല. എന്നാൽ ആന്തരിക രക്തസ്രാവം ഉണ്ടായിരുന്നു. ഇത്തരത്തിൽ ആക്രമിക്കാൻ പ്രൊഫഷണൽ കൊലപാതകികൾക്കേ സാധിക്കൂ. വക്കീൽ അല്ലെങ്കിൽ രാഷ്‌ട്രീയ നേതാവിന്റെ കുരുട്ടുബുദ്ധിയിൽ ഉദിച്ച ആശയമാണ് ഇതെന്നും,ആക്രമിക്കപ്പെട്ട വിവരം പുറത്തു പറഞ്ഞാൽ കൊല്ലുമെന്ന് ഭീഷണിപ്പെടുത്തി. സംഭവ ശേഷം ദീപുവിനെ നിരീക്ഷിക്കാൻ വീടിന് പുറത്ത് സിപിഎം ഗുണ്ടകളെ എംഎൽഎ നിയോഗിച്ചുവെന്നും സാബു എം ജേക്കബ് വ്യക്തമാക്കി.