സല്മാന് ഖാന് ഹിന്ദിയിൽ അവതാരകനായിട്ടെത്തുന്ന ബിഗ് ബോസിന്റെ പതിനാറാം സീസണ് കഴിഞ്ഞ ദിവസം മുതല് ആരംഭിച്ചു. കഴിഞ്ഞ സീസണുകളില് നിന്നും അടിമുടി മാറ്റവുമായാണ് ഇത്തവണ ഷോ ആരംഭിച്ചിരിക്കുന്നത്.
ബിഗ് ബോസിലേക്ക് ഇത്തവണ എത്തിയ താരങ്ങളുടെ പേഴ്സണല് കാര്യങ്ങളാണ് ഇപ്പോൾ ചർച്ചയാകുന്നത്. അതില് പ്രധാനം അവര്ക്ക് ലഭിക്കുന്ന പ്രതിഫലമാണ്. മത്സരാര്ഥികള് നൂറ് ദിവസം വീടിനകത്ത് നിന്നാല് വലിയൊരു തുകയുമായി തിരികെ പോവാമെന്നാണ് പുതിയ റിപ്പോര്ട്ടുകളില് നിന്നും വ്യക്തമാവുന്നത്.
ഈ സീസണില് ബിഗ് ബോസില് നിന്നും ഏറ്റവും ജനപ്രീതി നേടിയ മത്സരാര്ഥിയാണ് സുമ്പുല് തൗഖീര്. ഏറ്റവും കൂടുതല് പ്രതിഫലവും ഇദ്ദേഹത്തിനാണ്. ആഴ്ചയില് പന്ത്രണ്ട് ലക്ഷം രൂപയാണ് അദ്ദേഹത്തിന് ലഭിക്കുന്നത്. ഏറ്റവും കൂടുതല് തുക ലഭിക്കുന്ന രണ്ടാമത്തെയാള് ടിന ദത്തയാണ്. 8 മുതല് 9 ലക്ഷം വരെയാണ് നടിയ്ക്ക് കിട്ടുന്നതെന്നാണ് റിപ്പോർട്ടുകൾ. അങ്കിത് ഗുപ്തയ്ക്ക് അഞ്ച് മുതല് ആറ് ലക്ഷം വരെയാണ് ഒരാഴ്ച പ്രതിഫലമായി കിട്ടുന്നത്. പ്രിയങ്ക ചൗഹാറിന് 5 ലക്ഷം. നിമ്രിത് കൗറിന് 7.5 ലക്ഷം മുതല് 8 വരെ. സജിദ് ഖാന് 45 ലക്ഷം. 2020 ലെ മിസ് ഇന്ത്യയായ മാന്യ സിംഗിന് 7 ലക്ഷം.
അതേസമയം, ഹിന്ദിയിലെ ബിഗ് ബോസ് അവസാനിച്ചതിന് ശേഷമായിരിക്കും മലയാളത്തിൽ അടുത്ത സീസൺ ആരംഭിക്കുന്നത് . നിലവില് നാല് സീസണുകള് പൂര്ത്തിയാക്കിയ ബിഗ് ബോസിന്റെ അഞ്ചാം പതിപ്പാണ് മലയാളത്തിലേക്ക് വരാനുള്ളത്. വൈകാതെ ബിഗ് ബോസിനെ കുറിച്ചുള്ള കൂടുതല് വിവരങ്ങള് വരുമെന്നാണ് പ്രതീക്ഷിക്കുന്നത്.
