തിരുവനന്തപുരം: സംസ്ഥാനത്തെ സ്‌കൂളുകള്‍ക്ക് ജൂണ്‍ ഒന്നിന് പ്രവേശനോത്സവം. ഒന്നാംക്ലാസ് മുതല്‍ ഒമ്പതാം ക്ലാസുവരെയുള്ള പ്രവേശനം ആരംഭിച്ചുകഴിഞ്ഞു. തിരുവനന്തപുരത്ത് പ്രവേശനോത്സവത്തിന്റെ സംസ്ഥാനതല ഉദ്ഘാടനം നടത്തുമെന്നും മന്ത്രി ശിവൻകുട്ടി പറഞ്ഞു.
ഇതോടൊപ്പം തന്നെ തിരുവനന്തപുരം കരമന ഹയര്‍സെക്കന്‍ഡറി സ്‌കൂളില്‍ പാഠപുസ്തകവിതരണത്തിന്റെ സംസ്ഥാനതല ഉദ്ഘാടനം 28-ന് രാവിലെ 10-ന് നടക്കും. അംഗീകൃത അണ്‍എയ്ഡഡ് സ്‌കൂളുകള്‍ക്കും ഇന്‍ഡന്റ് അടിസ്ഥാനപ്പെടുത്തി പാഠപുസ്തകം വിതരണംചെയ്യും.
സര്‍ക്കാര്‍, എയ്ഡഡ് മേഖലയിലായി 9,58,060 കുട്ടികള്‍ക്ക് കൈത്തറിയൂണിഫോം നല്‍കും.യൂണിഫോം വിതരണത്തിന്റെ സംസ്ഥാനതല ഉദ്ഘാടനം മെയ്‌ ആറിന് കോഴിക്കോട്ട് നടത്തുമെന്നും മന്ത്രി അറിയിച്ചു.
