മലപ്പുറം: വീട്ടമ്മയ്ക്ക് നേരെ ലൈംഗികാതിക്രമം നടത്തിയ പ്രതി പിടിയില്. വീട്ടിൽ അതിക്രമിച്ച് കയറി വീട്ടമ്മക്ക് നേരെ ലൈംഗികാതിക്രമം നടത്തിയ പട്ടിക്കാട് പതിനെട്ട് സ്വദ്ദേശി പാറമ്മല് മുഹമ്മദ് സുഹൈല് എന്ന 31കാരനെയാണ് വഴിക്കടവ് പോലീസ് അറസ്റ്റ് ചെയ്തത്. പ്രതി ഗുട്ട്സ് ഓട്ടോറിഷയില് ചെരിപ്പ് കച്ചവടം നടത്തി പോകുന്ന സമയങ്ങളില് പുരുഷന്മാര് ഇല്ലാത്ത വീടുകള് നീരിഷിക്കും. ശേഷം ബൈക്കുമായി വന്ന് വീട്ടില് അതിക്രമിച്ച് കയറും.ഇതാണ് പതിവ്.
കഴിഞ്ഞ 26 ന് ഒരു മണിയോടെയാണ് കേസിനാസ്പദമായ സംഭവം നടന്നത്. പ്രതി പകൽ വീട്ടമ്മയുടെ വീട്ടിൽ പുരുഷന്മാർ ഇല്ല എന്ന ഉറപ്പ് വരുത്തുകയും,തുടർന്ന് അവരുടെ വീട്ടിൽ അതിക്രമിച്ച് കയറുകയും ശരീരത്തില് കയറി പിടിക്കുകയും ലൈംഗിക അതിക്രമത്തിന് മുതിരുകയുമായിരുന്നു. വീട്ടമ്മ ഒഴിഞ്ഞുമാറുകയും ഒച്ച വയ്ക്കുകയും ചെയ്തു. ഇതോടെ പ്രതി ബൈക്കില് രക്ഷപെടുകയായിരുന്നു.
ഉടൻ തന്നെ വീട്ടമ്മ വഴിക്കടവ് പോലീസ് സ്റ്റേഷനില് എത്തി പരാതിപ്പെടുകയായിരുന്നു. നിലമ്പൂര് ഡിവൈഎസ്പി സാജു കെ എബ്രഹാമിന്റെ നിര്ദേശത്തെ തുടര്ന്ന് വഴിക്കടവ് ഇന്സ്പെക്ടര് പി. അബ്ദുൾ ബഷീറും പ്രത്യേക അന്വേഷണ സംഘവും വീട്ടമ്മയില് നിന്നും കൂടുതല് തെളിവുകള് ശേഖരിച്ച് പ്രദേശത്തെ സിസിടിവി കേന്ദ്രീകരിച്ചും ബൈക്കുകള് കേന്ദ്രീകരിച്ചും നടത്തിയ അന്വേഷണത്തിലാണ് പ്രതിയെ തിരിച്ചറിഞ്ഞത്. തുടര്ന്ന് പ്രതിയെ വഴിക്കടവ് സ്റ്റേഷനിലെത്തിച്ച് പ്രത്യേകാന്വേഷണസംഘം ചോദ്യം ചെയ്തതില് പ്രതി കുറ്റം സമ്മതിച്ചു.