പാലക്കാട്: മലമ്പുഴ അണക്കെട്ടിന്റെ നാല് ഷട്ടറുകള് അഞ്ച് സെന്റീമീറ്റര് വീതം ഉയര്ത്തി. വൃഷ്ടിപ്രദേശത്ത് മഴ കനത്തതോടെ അണക്കെട്ടിലേക്കുളള നീരൊഴുക്ക് തുടരുന്നതിനാല് അണക്കെട്ടിലെ ജലനിരപ്പ് ക്രമീകരിക്കുന്നതിനായാണ് ഷട്ടറുകള് രാവിലെ പത്ത് മണിയോടുകൂടി തുറന്നത്.
മുക്കൈ പുഴ, കല്പാത്തി പുഴ, ഭാരതപ്പുഴ എന്നീ പഴകളുടെ തീരത്ത് താമസിക്കുന്നവര് ജാഗ്രത പാലിക്കണമെന്ന് മലമ്പുഴ ഇറിഗേഷന് ഡിവിഷന് എക്സിക്യൂട്ടീവ് എഞ്ചിനീയര് മുന്നറിയിപ്പ് നല്കിയിട്ടുണ്ട്.
